CECIL
“Jo…”
Nag-angat ng tingin sa akin si Jonas. Kanina ko pa pinag-iisipan ang mga narinig kong pinag-uusapan ng Daddy at kuya niya. Hindi ako matahimik. Alam kong noon pa pangarap ni Jonas na magkaroon sila ng sariling engineering firm. Tanda-tanda ko noong isang beses na masamang-masama ng loob niya na nagpunta sa bahay namin.
Nang tanungin ko siya ay hindi siya nagdalawang isip na sabihin sa akin na narinig niya ang pagtatalo ng Mommy at Daddy niya tungkol sa gustong itayo na bagong business ni Tito Zeus. Kaya lang ay ayaw sumugal ng pamilya ni Tita Eula dahil ang side nila ay puro doktor. Tanging si Tita Eula lang ang naging engineer sa kanilang magkakapatid.
“I really want us to establish our very own engineering firm, Cecil. Ayaw na ayaw kong naririnig na minamaliit ng pamilya
