Pupungas-pungas kong kinapa ang katabing espasyo ko.
"Ruru?!" Napabalikwas ako ng mapagtantong wala sa higaan ang anak kong si Luiz Flavio aka Ruru. Si CJ ang nagbigay ng palayaw rito kesa daw mag-away kami ng ama nito kung ano ang ipapalayaw sa bata.
Naisip ko agad si Flavio. Saan na naman kaya binitbit nang magaling nitong ama ang bata?
Noong isang araw kasi ay dinala niya ito sa bahay ng kaibigan nito sa kabilang kanto. Only to find out na may pool party pala roon. May inuman at mga girls pa na kasama. Diyos ko naman, magdadalawang buwan palang ang bata pero tinuturuan na ng magaling nitong ama ng kalokohan.
Bumaba ako sa kusina at nabungaran ko si Madam Aura na nagluluto.
Tumikhim ako para kunin ang pansin nito. Simula kasi ng dumating kami dito sa mansion ay kibuin-dili na ako
