Napainom ako ng tubig sa sobrang galit. Hindi ko lubos maisip na ganito ang kahihinatnan ng meeting na ito. Parang nanliliit ang paningin ko sa Zid na iyon. Ang akala ko pa naman nakumbinse ni Chuck ang ilang mga shareholder na bumoto pabor sa kaniya pero parang baliktad yata ang nangyari. Nakakainis!
Nang lingunin ko si Chuck ay pormal lang ang mukha nito habang nakatingin kay Zid na wagas kung makangisi. "I can't believe this," napapailing kong wika.
"And," napatingin ako kay Mamita nang marinig ko ang boses nito. "Those who are in favor of Mr. Charles Faulker, you may raise your hand." Sabay kaming nagtaas ng kamay ni Chuck at napansin kong nagtawanan sina Mr. Galves, Zid at ang ilan pang mga naroroon, pero si Mamita ay pansin ko na kakaiba ang ngiti. Iyon ang ngiti na nangangahulugan
