Nakatayo ako sa labas ng bahay. Nakasandal sa 110 XRM ko na kulay itim. Nakatingala sa dalawang palapag na bahay, bumaba ang tingin ko sa second hand na sasakyang nabili ko. Hanggang ngayon hindi ako makapaniwala. Parang panaginip pa rin ang lahat. Sino mag-aakalang magkakaroon kami ng bahay sa isang exclusive subdivision dito sa Quezon City. Maituturing kong swerte ako. Sino ba naman ang hindi? Manalo ka ba naman sa isang reality show sa isang sikat na TV station ng isang milyon at bahay, plus may exclusive contract pa sa kanila. Hindi ba parang sobra-sobra naman akong love ni Lord?
“Anak, nandito ka lang pala.”
“Ma,” lumabas si mama ng bahay at lumapit sa akin. Sumandal din siya sa motorsiklo.
“Anong ginagawa mo dito? Kakain na tayo. Dapat maaga kang matulog ngayon may presscon ka ra
