ILANG beses na napalunok si Tristan bago napagpasyahang bumaba ng sariling sasakyan.
Sa loob ng dalawang taon. Muli siyang nakaapak sa probinsyang ito. Kung saan nakatira ang kaniyang mag-iina.
Ang lakas-lakas ng kabog ng kaniyang dibdib habang nakatanaw sa bahay ng kaniyang kasintahan.
Hindi niya maitatanggi ang pangamba na namumuo sa kaniyang pagkatao. Hindi ko alam kung anong magiging reaksyon ng nobya ko oras na makita siya nito.
Magagalit kaya ito?
Sisinghalan kaya siya nito at palalayasin?
Susumbatan nang paulit-ulit?
Pagsasabihan ng masasakit na salita?
Mabigat siyang nagpakawala ng buntong hininga.
Nasisigurado niyang matinding pagkagulat ang rerehistro sa magandang mukha nito.
Muli siyang napalunok.
Sa kabila ng pangamba, mas nangingibabaw ang matinding pagkasabik
