ALAS TRES ng madaling araw.
Mula sa servants' quarters, dumiritso ako ng kusina. Humihikab pa ako dala ng kaantukan.
Katulad ng nakagawian ko, hindi ko na pinagkaabalahang buksan ang mga ilaw lalo na't may bahagya namang liwanag mula sa labas.
Bigla yata akong nagutom ng makita ang cakes na nasa refrigerator. Balak ko lang naman sanang uminom ng tubig at nauhaw ako. Ngunit bahagyang kumalam ang sikmura ko.
Halos punong-puno ang laman ng ref. Mukhang maraming natirang pagkain kanina. May mga bisita kasing dumating si Donya Elizabeth kaya naman naging abala kaninang umaga hanggang gabi.
Nagdadalawang-isip pa ako ng bigla akong mapapitlag nang may tumikhim mula sa likuran ko.
Awtomatikong naisara ko ang pinto ng ref sa pagkagulat. Mas lalo akong kinabahan ng maaninag ang bulto ni Tris
