BIGLA akong napahinto ng makita itong abala sa kusina. Napalunok pa ako at wala itong damit pang-itaas.
Hindi ko alam kung ipinagmamalaki ba nito ang kakisigan ng pangangatawan nito sa akin.
Sandali akong napatitig sa malapad nitong likuran. Hanggang sa bigla akong napayuko ng maramdamang iikot ito paharap sa akin.
Hindi ko alam kung paano ko ito kakausapin sa ginawa nito sa akin kagabi?
Hindi ko nga rin inaasahan na magkukusa ito sa loob ng kusina? Samantalang ako ang dapat gumagawa noon?
Nagtataka nga rin ako at ang aga nitong nagising? Alas singko pa lang kaya ng umaga?
Bigla kaya itong nagutom?
"Good morning," baritonong bigkas nito.
Ramdam ko ang kaseryosohan sa boses nito. Lihim akong napalunok.
Ayoko mang kausapin ito dahil sa nangyari, ngunit wala akong magawa at ito p
