PALABAS si Frankie ng kwarto niya ng tama namang palabas din si Noah ng guest room. Tiningnan siya ni Noah mula ulo hanggang paa.
“May lakad ka? Saan ka pupunta? Sinong kasama mo?” sunod-sunod nitong tanong ng makitang nakapang-alis siya.
“Saan pa eh di sa restaurant. May mga kailangan akong i-discuss kay Madi tungkol sa event bukas. Tsaka tayka nga… Bakit ganyan ka makatanong. Ano ka, jowa ko?”
“Trabaho… Mukhang makikipag date ka lang naman doon sa mistisong hilaw na yun, eh.”
“So, ano naman ngayon sayo? Nagseselos ka?” nakangiting pang-iinis ni Frankie dito.
Naglakad si Noah palapit sa kanya ngunit umatras naman si Frankie hanggang sa macorner siya nito sa dingding ng corridor. “Paano kung sabihin ko sayong nagseselos nga ako? That I only want you for myself at kung ako lang ang
