Naghintay sa may labas ng emergency room sila Bryan at Leon. Nang nilabas na si Grace para dalhin sa kuwarto nito ay sumunod na rin ang dalawang lalaki.
"Pa, pagkahatid po natin kay Grace sa kuwarto niya ay aalis po muna ako. Pupunta muna ako sa presinto upang makausap ang nanay ko," ani Bryan sa ama ni Grace na tumango lamang sa binata tanda nang pagpayag niya rito.
Pumunta sa presinto si Bryan at sila ay nagkaharap ng ina kan'yang nakilala at siya ay nanghinayang sa inukol niya na pagmamahal dito.
"Ma, bakit? ano pa nga ba ang kulang, hindi pa ba sapat ang mga naibigay ni ama sa iyo. Hindi ba ang lahat naman nang luho ay binigay niya sa 'yo, pera at mamahaling mga alahas?" wika ni Bryan kay Sonia na nakatunganga lamang at nakatingin sa kan'ya.
"Tinatanong mo ba ako kung kulang pa ba
