ALLY’s POV
ILANG ARAW ang lumipas, bumalik muna ako sa bahay namin sa Indang, Cavite. Tahimik dito — ibang-iba sa tensiyon at ingay ng Maynila. May mga puno ng pine tree mga maliit na bonsai, ingay ng mga aso ng aming kapit bahay. Kahit pa mataas ang bakod naririnig ko pa rin. Parang gusto kong lokohin ang aking sarili na normal lang ang lahat. Hinatid ako ni Ninong Conrad tatlong araw na ang nakakaraan at umalis din siya agad. Bilin niya sa akin na h’wag muna gumamit ng gadget para mag check sa social media ko.
Pero hindi. Dahil kahit anong tahimik ng lugar, hindi nito kayang itago ang mga gulo na paparating. Hindi ko alam kung kailan kikilos ang lola at lolo ni Stefan. Pilit umukilkil sa utak ko ang banta nila.
Nasa balkonahe ako, naka-sando’t shorts, hawak ang isang mug ng kapeng ba
