NADZ POINT OF VIEW
Habang pinagmamasdan ko ang magiging kwarto ko dito sa Royal Military Academy, hindi ko maiwasang mapangiti. Sa totoo lang, mas malaki ito kaysa sa inaasahan ko. May isang single bed na may puting kumot, isang maliit na bedside table, isang study desk sa tabi ng bintana, at isang cabinet para sa gamit ko. Malinis at maayos naman ang buong paligid. Kung tutuusin, mukhang mas komportable pa ‘to kaysa sa dorm sa ospital kung saan ako nakatira dati.
"Not bad," bulong ko sa sarili ko habang nililibot ng mga mata ko ang kwarto.
Napatingin ako sa bintana. Mula dito, kitang-kita ang open field kung saan nag-eensayo ang mga estudyante. Nakakapanibago talaga ang paligid. Malaki ang pagkakaiba ng buhay sa ospital kumpara dito. Dito, disiplinado at tahimik. Sa ospital, laging ma
