NANG dumating ang weekends ay niyaya ulit ni Albert na lumabas. Pero sa pagkakataong iyon ay hindi na lang iyon basta isang umaga. Hindi rin maghapon. It will be a two-day trip. May simpleng company outing raw sa isang resort sa Batangas ang business nito.
Sandali lang na nag-alinlangan si Jackie. Pumayag rin siya sa gusto ni Albert. Pinagkakatiwalaan na niya ito. Suportado rin siya ni Maricel. Sa katunayan, pinag-shopping pa siya nito ng swimwears at mga summer dresses para daw mas gumanda siya sa paningin ng lalaki.
Lunchtime nang dumating sila sa Batangas. Isang van at kotse lang ni Albert ang dala nila. Dahil maliit pa ang business ng lalaki ay nasa sampu pa lang ang empleyado nito. Nang mag-check in na sila sa resort ay nagulat siya nang kasama niya sa kuwarto si Albert.
"Kaya mo b
