Chapter 102
Lorie in exchange of Rovie
Nalukot ni Chris ang papel na may sulat na nagsasaad ng matagumpay na pagdukot nila kay Rovie.
Naikuyom ni Chris ang mga kamay at galit na nagwala sa loob ng bahay nila Lorie. Si Lorie naman ay tahimik lang at walang imik.
Si Aliyah naman ay nakatingin lang kay Lorie at binabasa kung ano ang iniisip nito ngunit nahihirapan siya dahil wala siyang makitang emosyon na nakabakas sa mukha nito. Kalmado at hindi ito nagsasalita kaya hindi niya malaman at mawari kung ano ba ang nasa isip nito.
Habang si Alexis naman ay hindi mapigilan ang hindi mapatitig sa nobya niya na ilang araw na siyang hindi pinapansin. Mas lalo siyang hindi pinansin nito dahil nalaman nila na ang ama niya ang may kagagawan ng pagdukot sa kapatid nito.
Gusto umuwi ni Alexis at ku
