Hawak ni Chad ang kanang siko ko habang papalabas kami ng eskinita. Wala kaming kibuan bagama't ramdam ko ang mga titig niya sa'kin. Pansin ko rin ang mga matang nakasubaybay sa amin. Para rin silang mga bubuyog na nagbubulungan kapag nakalampas na kami sa kanila. Lihim akong napapailing, ang dami talagang tsismosa dito sa amin. Akala mo ngayon lang nakakita ng mga tunay na tao.
Ng tuluyang marating ang lugar kung saan nakalagay ang kotse niya ay agad niya naman akong pinagbuksan ng pintuan.
"T-thank you," kiming usal ko.
"You're welcome, My Queen," aniya bago marahang isinara ang pinto at umikot sa driver's seat.
Ikinabigla ko ang naging tugon niya pero hindi ako nagpapahalata. Sa totoo lang ay nakakakilig naman talaga iyon, parang nais kumawala ng puso ko mula sa dibdib ko.
"Are you
