Chapter 67
Hunter's POV
Matiyaga ko na hinintay na matapos si Britney sa kanyang pagkain pero likas na yata sa kanya ang matagal na kumain dahil kalahati pa lang yata ang nauubos niya. Bukod sa madami na siyang in-order ay talaga namang nilalasap pa yata niya ang bawat subo niya. Hindi na lamang din ako nagreklamo pa dahil nakakasanayan ko na rin yata ang pwesto na ito. Hindi na lang din talaga ako tumintingin sa labas. Ayoko na rin na makita ang pagmumukha ng mga tao.
Isa sa mga dahilan kung bakit bumabagal ang pagkain ni Britney ay dahil sa tila ay walang katapusan na pagkukwento ni Britney. Kahit na tango at mga tipid na salita lang ang nasasagot ko sa kanya ay hindi pa rin siya humihinto. Kaya napaangat ako ng tingin kay Britney nang mapansin ko na huminto siya sa pagkukwento gayo
