Marahas akong umiling. “No.” Nanginig na ang boses ko. “I can’t do it. Maniwala ka sa akin doc –”
“Sa akin ka maniwala,” matigas na ang boses niya at bigla akong hinawakan sa magkabilang braso. Nanayo ang mga balahibo ko at nagpumiglas. Pero humigpit lang lalo ang hawak niya sa akin at puwersahan akong inupong muli sa sofa. “Calm down.”
Pero huli na ang lahat. Bumalik na ako sa nakaraan. Ang mga kamay na mahigpit na nakahawak sa mga braso ko, mga kamay na ni James. At hindi na lamang iyon pumipigil kung hindi nagdudulot na ng matinding sakit.
Kinaladkad niya ako papasok sa fire exit ng gusali kung saan nag-re-rehearse siya at ang mga kasama sa fashion show na pinamamahalaan niya. Isang linggo na akong walang balita sa kaniya kaya dinalaw ko siya. Hindi niya iyon ikinatuwa. Hindi niya
