NAPABUNTONG-hininga na lang si Riri nang makita ang anim na bodyguards paglabas niya ng bahay. Kasama na ro'n si Kuya M at ang bago niyang bantay na si Ate J. Naisip kasi ng daddy niya na kung babae ang bodyguard niya, masasamahan siya hanggang CR. Gano'n ka-paranoid ang ama niya matapos ng nangyari sa kanya.
"Ang higpit ng security mo, Auntie," natatawang sabi ni Ryder.
Nilingon ni Riri ang pamangkin. "Sorry, Ryder. Dahil sa'kin, pinalagyan ka na rin ni Daddy ng bodyguard. Alam kong hindi ka sanay ng may bantay."
Nagkibit-balikat lang si Ryder. "It's okay, Auntie. Kung para naman sa safety mo, kaya ko namang tiisin 'to. Saka hindi naman na ibang tao sa'kin si Tito M."
Dahil sa utos ng daddy ni Riri, si Kuya M na ang personal bodyguard ni Ryder samantalang si Ate J naman ang kanya. Paa
