5
1084 Words
محمد طلعت من الحمام اسمع صوت رغده تبجي ... رغده... ليش هيج حضي ياربي
اوف يعني لو ما طالعه هاي الخبله جان كلشي ماكو ياربي رجعني لهلي ??
محمد... خير رغده ليش تبجين
ان شاء الله كلشي يصير حلو والله
كلشي يهون والله. رغده.... اوك اوك
بس ممكن طلب
محمد.. كولي شنو تريدي اني حاضر
رغده.. فدوه اني وحيده اهلي وا خواني ثنين ما اكدر ابتعد عن اهلي والله فدوه ازوجني وبعدين طلكني فدوه
محمد... اني من سمعت هيج ضجت بس شسوي اكول اي والله كريم.. ماشي رغده هسه كومي بدلي لان السيد اجه
رغده.. ماشي كمت وا رحت اريد ابدل وا كلش فرحت لان عرفت هاذ الوضع مو دايم كم يوم ورجع لهلي ??
فرحت كلش الحمد الله
محمد .. طلعت من الغرفه وا نزلت للشيخ احمد
شيخ احمد ... طبعن اجه الشيخ وا راح يعقد لمحمد وا لرغده يعني صارت فصليتنه والله ا**ر خاطرج يارغده مثل ماطولتي ل**نج عليه وا على هدول بسيطه
هديل... اوف هاي اني خليتها تصير فصليه وتأخذ محمد اوف اني اريد اعذبها بسيطه اني الج ?
رغده ..حمد الله ربي حمد الله اكوم ابدل وا انزل ها صدك ماحجيتلكم شنو ملابسي ☹️? طبعن كليتنه نحلم فستان ابيض وا حفله بس اني مو هاذ زواجي لا لا وي اكوم ابدل ? ملابسي هيه فستان افوايت وا ورد ناعم ماروني لبست الفستان وا رحت امشط شعري طبعن لميته بس ماكو قراصه اوف شلون بيه اروح اجيب من ام علي شي اكيد عدها
ام علي ام علي
ام علي .. هاخاله شكو
رغده .. خاله فدوه اريد قراصه الم شعري
ام علي .. لج يمه فدوه شلون طالعه لا عوفيه لا تحطين قراصه
رغده .. ممم مشكوره فدوه لكلبج وا شعري خاف يضوجني بس هوه حلو هيج
ام علي اي يمه كلش حلو عوفي
رغده .. .. مشكوره خاله
محمد ... طبعن نزلت للشيخ وا سلمت واكعدت انتصر يعقد بس جان شعور كلش حلوه اني أعقد على رغده فدوه هيه شكد حلوه وااعيونها ياالله هاذ احسن ابتلاه
الشيخ احمد .. محمد صبح لرغده حته تعقدون
محمد .. حاضر طبعن رحت الغرفه وا اشوفها لابسه فستان يخبل عليها وا فاتحه الشعر لا هاي شنو طالعه عيني
رغده .. وف لاتدخل
محمد .. لج اليوم اكرط هاي خدودج ممم أو اكلج هاي مقبلات اني اريد وجبه كامله ،?
فتهمت يا حلو
رغده عزه بس لا ناوي عليه☹️ هاذ والله اكلب البيت عليه ياربي احميني منهم ياربي احميني منهم
محمد .. بشت شبي الحلو يمه فدوه للخجلان
شوف الخدود صارو حمر??
رغده .. وي هسه انته اجيت شتريد يله اطلع بره
محمد .. عيني رورو على كيفج وياي اجيت اصيحلج حته نعقد ?
رغده ... ها شنو نعقد بس أنته على وعدك الي أن ترجعني اهلي ?
محمد ... اي ان شاء الله وامديت ايد على وجها وكتلها أن شاءالله اسوي كل شي يسعدج
تره اني حبيتج اول ماشفتج وا مااريد منج غير الوقت وا كلشي ينحل
رغده .. طبعن من سمعته هيج يحجي خجلت? واكتله اني لازم ارجع لهلي ا?شتاقيتلهم ?
محمد .. لا تبجبن لا تبجبن والله ارجعج بس مو هسه مثل ماحجيت وياج اريد من عندج وقت وا ترجعين يله ننزل للشيخ وا للشيخ ههه ثنينهم ينتضرونه
رغده .. ههه ماشي يله
مم راح يبدي تغير حياة رغده
رغده. .. طلعت اني وا محمد من الغرفه إلى المضيف الجبير يم السيد وا الشيخ احمد .
عقد الشيخ وا تم كلشي على خير
بس اني من عقد الشيخ حسيت شعور مزعج ماتحملت طلعت لغرفه محمد الي هيه هسه صارت غرفتي اوف كمت ابجي اريد امي اي نعم صرت مثل الطفل الي ضايع مايعرف وين مصيره
محمد ... من عقد الشيخ اني فرحان بس رغده لا حته بجت اطريت اطلع من المضيف حته اشوفها
بس اسمع الشيخ يناديني
شيخ احمد ... محمد محمد
محمد ... نعم شيخ
شيخ احمد ... ابني نادي الفصليه وتعال
محمد .. حاضر هسه نجيكم
رغده .. كاعده وا اسمع محمد يصيح بسمي اوف اوف. خير شتريد صار ساعه تصيح
محمد .. احجي عدل لج
رغده ... عشتو وا إذا ماحجيت عدل شنو تسوي بالله
محمد ... ها مو اصعدلج وا اني اعلمج
رغده ... لا تصعد ولا شي كول شتريد فضني
محمد .. نزلي الشيخ يريدنه
رغده ... هوه محد خرب حياتي غير الشيخ
محمد ... نزلي ولا ضلين تحجين حجي زايد يله بسرعه
رغده ... رحت المضيف الشيخ جان يكول .
8
شيخ احمد... اسمع محمد اسمعي يا فصليه انتي اجيتي البيت فصليه الي عليج تقومين بشغل كامل ويه ام علي وا محمد صار رجلج انتي تعرفين. احتياجات الزوج الكل يتنفذ انتي تكولي تم لكل كلمه اكلج عليها
رغده ... حاضر شيخ
محمد ... طبعن استغربت من رد رغده ما متوقعها راح تسكت لان ل**نها طويل
يله ابني روح لغرفتك وا انتي يا فصليه للمطبخ اريد كهوه بسرعه
رغده ... حاضر شيخ
محمد ... يا الله شنو بيدي اسوي اطلكها فتره وا ترجع إلى أهلها اي خطيه ها زين اني موخطيه اني حبيتها اي صح اني حبيتها
يله هسه احجي وياها
رغده ... هلو خاله
ام علي ... هلا خاله الف مب**ك ياربي يوم الطفل
رغده .. مشكوره خاله فدوه اريد اسوي كهوه للشيخ
ام علي ... لا امي روحي اني اسوي الكهوه
رغده... خاله اني بعد اساعدج بلبيت
ام علي ... امي انتي عروس مايصير روحي وا شيخ اني اعرف كهوه الي يحبها
رغده .. علميني عليها وا اني اوديها لان طلبها مني
ام علي ... حاضر مثل ماتردين وهاي هيج يحبها الشيخ
رغده .. مشكوره خاله
شيخ احمد ... اني اربيح يا فصليه
رغده .. تفضل شيخ الكهوه
شيخ احمد .. اي حطيها على الطبله وا طلعي
رغده ... اروح ارتاح بغرفتي احسن وي بالله هيه غرفتي لو غرفت محمد ياربي الفرح يارب
محمد... هلا هلا هلا منو راح يكعد وياي بنفس الغرفه الكمر لا لا مااصدك
رغده... اسمع اني تعبانه وا اريد انام وا مااريد ارد عليك بكلمه يله
محمد ... اي تعاي نمي بس ياحلو وين تنامين و سرير نفر واحد ?
رغده .. اخذ فراش امد جوه مو على سريرك عابتلك
محمد ... انشوف الوضع شكد يطول والله كريم نامي حبيبي نامي
رغده ... اش اش اريد انام
محمد نامي اني هم اريد انام تعبان من ل**نج
رغده ... وي راح ضل تحجي اسكت كافي
محمد ... لج نامي ولا تحجين
.
. رغده .. ماحسيت على نفسي إلى اكعد ثاني يوم شنو من تعب يالله ههه عابت هاذ شنون نايم هههه.
ممم اغطي ها لا خاف يكعد وا يحس ? وي شدخلني هوه يوميه ينام منو يغطي احسن حل ماادخل
محمد .. ياويلي اليوم منو نايم بغرفتي ياربي دوم هاي الخير عليه ياالله
فدوه عندي عرس وا تحضيرات مااكدر اكمل هاذ البارت بس انتصروني بأجر اكمل وا اشكر كل الاصدقاء على تشجيعكم الي وا احبكم
- Writer
