HANNAH’S POV
Dalawang linggo ang lumipas at sa mansion ko na naisipan na magtrabaho at para hindi na rin ako aalis ng bahay. Habang nakatingin sa labas at tinatanaw ang paligid ay hindi ko maiwasan na isipin ang sinabi ni Mommy. Tumayo ako at saka bumaba para tumungo sa garden at tignan si Snow. Pinakawalan ko na naman kasi siya kaninang umaga.
“Nanay Linda?” tawag ko.
“Bakit, Hannah?” ani ni Nanay Linda nang tawagin ko siya.
“Si Kuya Baron po ba umalis?” tanong ko.
“Oo may kailangan daw kasing asikasuhin sa opisina,” sagot naman nito sa akin.
“Gano’n po ba?” malungkot na ani ko.
“Bakit may kailangan ka ba sa kaniya?” tanong nito sa akin at umiling naman ako sa kaniya.
Umalis na ako at saka lumabas para hanapin si Snow. Nang makarating sa garden ay agad kong hinanap si Snow
