Chapter 49 : Ang pagpula ng ilog ng Chimera Town
Gabi na nang magising si Sekani. Pagbangon niya ay nakita niyang nagkakagulo ang mga isda sa terrace ng kuwarto niya. Napatayo siya at saka lumapit doon. Nanlaki ang mata niya nang makitang unti-unti nang namumula ang tubig ng ilog. Pakiramdam niya ay may kung anong nangyayari sa itaas kaya dali-daling naglangoy si Sekani para tignan kung ano ang nagaganap doon. Pag-ahon niya sa tubig ay nadatnan niya ang nagkakagulong sirena at sireno.
“Anong nangyayari?” tanong ni Sekani sa Kay Dominic na tumutulong sa isang sirena na mukhang may sakit.
“May lason ang tubig kaya nanghina bigla ang mga sirena at sirenong naglalangoy kanina sa ilog,” sagot nito sa kaniya. “Diyan na po kayo at dadalhin ko lang ito sa pagamutan,” sabi pa niya kaya tumango n
