"Maupo ka muna, Meong..." utos ko sa lalake. Aayusin ko muna ang mga damit nina Inay at Amang na dadalhin ko.
Mabait itong si Meong at sa lahat ng mga nanliligaw sa akin, siya din ang pinakaguwapo. Nag-aaral din ito. Teacher siya.
Tahimik si Craig habang nakasandal sa dingding. Nakasuksok ang ilang daliri sa bulsa ng maong niyang pantalon. Walang imik, sobrang seryoso at napakaangas.
"Nagpunta ako nang isang gabi dito, pero sabi nga ng kapitbahay niyo na nasa hospital daw kayo," sabi ni Meong.
"Ah, oo... Nahirapang huminga si Inay, kaya sinugod namin sa hospital."
"Okay naman na siya?"
"Oo. Awa ng Diyos, ayos naman na siya."
Parang kami lang ni Meong ang tao dito sa bahay.
"Buti at lumipat na kayo ng inuupahan, Anne. Mas okay dito kaysa doon sa dati."
"Oo nga, e. Komportable
