هي والشيطان

f

جوازه شيطان

السابع

سبحان الله وبحمده

عمر : اتفضلي قولي شروطك . بس مش هطلق يا لميس ..

لميس : ماشي يا عمر . بس افتكر أن دي اخر فرصه ليك . يعني لو متغيرتش مش هرجعلك تاني

عمر : اتكلمي انا سامع

لميس : اولا كده متمنعنيش من يحي . هو اخويا وصديقي و دراعي اليمين في الشغل

عمر كشر : متزودهاش بقي .

لميس : انا مش فاهمه يعني انت لو بتغير هتغيى من اخويا

عمر : اه . هغير من اخوكي

لميس : انت كده مش عايز تحل.

عمر : اووف. خلاص يا لميس لو هتتعملي مع يحي يبق في حدود . بلاش أحضان وضحك والكلام ده. اتعملي من بعيد لبعيد .

لميس : بذمتك ده كلام عاقلين

عمر : هو انا كده. عاجبك وله لا

لميس نفخت : عاجبني ..

عمر : خلاص اتفقنا . نكمل حياتنا من غير مشاكل

لميس : لسه مخلتصش شروطي

عمر ضغط علي اسنانه ونفخ : اتفضلي

لميس : عايزه ارجع الشركه. مش هعرف اقعد في البيت انا متعوده علي الشغل

عمر : تمام يا لميس هترجعي الشركه . بس لو عندي سفر في أي مكان هتكوني معايا واظن يحي يشيل عنك .. تمام كده

لميس : تمام . وكمان بقي بلاش تتعصب عليا ومتمدش ايدك عليا تاني باي شكل من الاشكال .

عمر : انتي اللي بتجننيني

لميس : شئ طبيعي انا انسانه وممكن اغلط. حضرتك بقي مفرود تعمل ايه؟ . تتحملني وتقولي ايه الغلط اللي غلطته ونحل مشكلتنا بهدوء من غير عنف . علشان مش هيوصل لحل

عمر : تمام يا لميس .. ايه تاني

لميس : امممم.. استني كده هفكر

عمر وقف ومسك أيدها عشان تقف : تعالي نرقص مع بعض علشان تعرفي تفكري

لميس رفعت راسها ليه وهي قاعده : مش هعرف افكر وانا برقص

عمر : ازاي بس . جربي مش هتندمي

ضحكت لميس : عمر انت وعدتني هتتغير

عمر : هتغير علشانك .. بس انتي كمان اتغيري عشاني . عايزين نوصل لحل مشترك

لميس : لو انت هتعملني كويس انا مش هضايقك اظن ده دييل كويس

عمر : اتفقنا

,*******

رجعو البيت بعد ما خلصو سهره وهما بيضحكو ومبسوطين

ناديه اللي هي أم عمر مكنش عاجبها الوضع

: كنتم فين

عمر :بنتعشا بره

ناديه : اه

لميس : بكره نتعشا مع بعض بره . المطعم اللي عمر وداني فيه يجنن يا انطي .

ناديه : انتي بتغظيني يعني

لميس : لا والله مش قصدي . انا بس بحكيلك أن المطعم جميل

ناديه : شايف مراتك بتغيظني ازاي

عمر : ماما . لميس متقصدش حاجه .. صدقيني هي طيبه

لميس : بليز يا انطي .متزعليش . انا فعلا مش اقصد

عمر : اطلع يا حبيبتي . وانا جاي وراكي

لميس : اوكي

طلعت لميس اوضتها .

عمر اتكلم مع مامته : علي فاكره يا ماما . لميس قلبها طيب جدا و فعلا متقصدش اللي انتي فهمتيه

ناديه : هي لحقت تغيرك . بقيت تسمع كلامها وقسيت عليا

عمر : لا طبعا يا ماما. محدش ابدا يخليني اقسي عليكي ..

ناديه : انا عارفاك يا عمر. انت حبيتها

عمر اتن*د : هي مراتي يا ماما. ولازم احبها . وصدقيني انتي اما تتعرفي عليها هتحبيها .

ناديه : ماشي يا عمر. اطلع ارتاح يا حبيبي .

عمر باس راسها وطلع للميس

عمر : حبيبي ، نمتي

لميس : كنت هنام

عمر : متزعليش من ماما . هي مرتبطه بيا وبتحبني ولسه كمان مش عارفاكي كويس . انا متاكد انا تعرفك اكتر هتحبك وتموت فيكي . زي ما انا بحبك وبموت فيكي

لميس : بتحبني انا

عمر :ايوه وبموت فيكي .

ابتسمت لميس بخجل ?

*********

بعد أيام.

يحي خرج بعد ما تحسنت صحته خد رقم دكتوره همسه

اتصل بيها وهو قاعد في اوضته : الو

همسه : الو. مين معايا

يحي : كده هزعل . مش عارفاني وله ايه

همسه : لا مش عارفاك ولو سمحت خلص انا مش فاضيه

يحي : انتي ليه قاسيه عليا

همسه : انت بتستظرف بقي

قفلت الخط في وشه وهو ضحك واتصل تاني

همسه : عايز ايه

يحي ؛ علي فكره انا مريض عندك ومينفعش تتعاملي معايا كده ..

همسه :. اسمك ايه يعني

يحي : حاليا انا بقيت مجنون همسه ومستقبلا هتكوني حرمي المصون

همسه: لا ده انت مجنون بجد . هحاول لدكتور نفسي

يحي: طيب ما تعالجيني وت**بي فيا ثواب

همسه قفلت في وشه تاني . وهو ضحك باستمتاع اتصل بيها بس هي عملتله بلوك ..

. يحي؛ بقي انا يتعملي بلوك .. والله لاخليكي تحبيني غصب عنك يا همسه

.....

لميس ويحي رجعو يشتاغلو مع بعض في الشركه

لميس : مالك يا كلب البحر مكشر ليه

يحي : يووه . متقوليش كلب البحر

لميس : اخلص يابني في ايه

يحي:همسه عملتلي بلوك وكل اما تسمع صوتي تقفل في وشي وتعملي بلوك . ده انا جايب عشر خطوط لحد دلوقتي

ضحكت لميس: بصراحه كده عندها حق . انت مجنون واكيد بتصرفاتك خوفتها منك

يحي: طيب اعمل ايه انا حبيتها

لميس:اعمل الصح

يحي ؛ يعني اعمل ايه. ايه هو الصح

لميس : اقولك انا .. تروح وتطلب أيدها من أهلها وهي هتعرف انك جد ومش بتهزر .

يحي: تفتكري هتوافق

لميس: طبعا هتوافق في حد يرفضك يا كلبوبي

يحي: رخمه

لميس : انا رخمه يا كلب البحر .

يحي: متقوليش كده. انا خلاص هبق عريس وكلها كام شهر وهكون اب

ضحكت لميس: الله يكون في عونها

يحي: طيب بقولك ايه ما تعملي فيا جميله وتيجي معايا تكلميها. علشان مترفضنيش

لميس: حاضر. هاجي معاك .

يحي حضنها : حبيبتي يا لولي

وهنا انفتح الباب ودخل عمر وشاف يحي حاضن لميس . لميس شهقت بخوف وقلق : عمر . عمر

عمر قرب منهم وعينه حمرا وسد لميس جنبه: انت بتزفت ايه يا حيوان

يحي: ماله ده . كلمني باسلوب كويس

لميس : استني بس يا عمر انا هفهمك

عمر : انتي تخرسي خالص مش قولتلك ميقربش منك

يحي: متزعقش. وبعدين دي اختي

عمر ض*به بالبو** ولميس صوتت : حرام عليك يا عمر ايدك تقيله

عمر بعدها عن يحي : دي علشان كل ما تقرب منها تفتكر اني بضايق. وميهمنيش اختك مش اختك دي مراتي،، فاهم

لميس بصتله بدموع: انت مش هتتغير. ابدا . طلقني

عمر : مش هطلقك

لميس : لا هطلقني. ومش عايزه اشوفك

يحي وقف من علي الارض: خلاص يا لميس متعيطيش. هو برضو جوزك وغيران عليكي . مع أنه متخلف بس جوزك . هنعمل ايه

عمر : لم نفسك بدل ما اوريك المتخلف هيعمل فيك ايه

يحي ض*به بالبو** فجاه وهو وقع : دي علشان زعلتها ومديت ايدك عليا .

لميس شهقت اما شافت عمر واقع علي الارض : عمر .. ليه كده يا يحي

يحي : كده خلصين. سلام يا عمر

خرج من المكتب . لميس حطت أيدها علي خده: بتوجعك

عمر بصلها وسكت

لميس: يا عمر انت الغلطان دخلت ض*بته. هو كان بيشكرني علشان هروح معاه للبنت اللي ببحبها ..

عمر ' قولتلك متخليش حد يقرب منك

لميس: انا بس اتفجئت ، اخر مره . بعد كده هاخد بالي

عمر : لا انا زعلان

لميس: مش تزعل .

عمر : صالحيني

ضحكت لميس : تعال اعزمك علي الغدا . ونتكلم مع بعض

عمر : ماشي

......

يحي راح علي المستشفي ودخل مكتب همسه.

ا رفعت راسها : انت تاني

يحي: انا جاي مريض وشي احمر ووارم

همسه بصت في وشه: دي كده عاديه .ادهن مرهم الكدمات ٣ مرات وهتروح

يحي: مكنتش اعرف ان قلبك قاسي عليا اوي كده . مش مفروض تجري عليا وتقولي

رفع صوته وقلدها: ايه ده يا يحيوحي ايه اللي حصلك . يتشك في ايده اللي ض*بك

ضحكت همسه: انت اوفر اوي بصراحه. وبعدين اكيد تستاهل الض*ب

يحي: أكده. اهون عليكي يعني. ده انا بحبك . تعملي فيا كده

همسه بصتله وهي مش مصدقه

يحي: شكلك مش مصدق . بس انا جاي انهارده علشان اثبتلك حسن النوايا. عايز عنوانك ورقم والدك . علشان اطلب ايدك منه وتبقي مراتي

همسه : مش عايزه اتجوز حد

. يحي : بس انا مش اي حد . انا يحي ، انا مترفدش يا بنتي . متعرفيش انتي اللي قدامك ده كام واحده جريت وراه

همسه: مغرور اوي .. انا مش شايفه فيك اي حاجه تدعي للكلام ده

يحي: ازاي . ده انا قمر.

همسه : مش حلو اصلا

يحي: يا كدابه . ده انتي اول ما بتشوفيني عينك بتخرج من مكانك و قلبك بيدق باسمي

همسه : محصلش

يحي : حصل وبيحصل وهيحصل . يا زوجتي العزيزه

. """''"

يتبع