"MAKE your smile more natural, Calley. Don't be nervous."
Bagaman hindi sanay si Calley na humarap sa camera ay sinunod n'ya ang sinabi ni Zack. Kinalma muna niya ang dibdib at saka ngumiti ng mas natural sa abot ng kanyang makakaya.
"Great!" anang Zack kasabay ng pagkislap ng camera na hawak nito. "Very good, Callyx my boy!" dagdag pa nito habang panay ang kuha ng shot sa kanilang mag-ina.
May dalawang oras na rin silang nagpi-pictorial at si Zack mismo ang nagsilbing photographer nila. Nadagdagan pa lalo ang paghanga ni Calley sa lalaki nang malamang hindi lang pala ito isang businessman at pediatrician, isa rin pala itong professional photographer.
Ayon pa kay Louis na secretary ng lalaki, ay ilang mga artista at modelo na rin ang naging kliyente nito. Bukod pa roon, na-feature na
