ALMOST two weeks din ang inilagi ni Zayne sa hospital at ayon sa doktor ay maaari na itong umuwi para sa bahay na tuluyang magpagaling. Nakahinga nang maluwang si Calley nang malaman iyon dahil sa wakas ay makakasama na niya ang anak sa pagtulog at magkakaroon na rin siya ng maayos na pahinga.
Bagama't ipinapasyal naman ni Zack ang kanyang anak ay hindi pa rin niya maiwasang ma-miss si Callyx, lalo na ang makatabi ito sa pagtulog. Hindi rin naman kasi nagtatagal ang mga ito roon. Dahil ayon kay Zack, nasa hospital ang halos lahat ng sakit kaya maaaring mahawa ito roon at magkasakit.
Lubos na tumataba ang puso ni Calley sa twing nakikita niya ang pag-aalaga ni Zack sa kanyang anak, na para bang tunay na kadugo ang turing nito sa bata. Tuloy ay lalo ring lumalalim ang nararamdaman niyang p
