“BAHALA ka sa buhay mo. Lalabas ka rin kapag nagutom ka,” inis na sabi ni Catriona habang nakatingin sa nakasaradong pinto ng silid ni Trey.
Pagdating nila kanina sa bahay ay walang imik na ibinaba siya ni Trey, pagkatapos ay nagkulong na ito sa silid nito. Nainip si Catriona kaya napagdiskitahan niya ang kusina. Nagluto siya ng kung ano-ano mula sa mga gulay at ingredients na naroon. Pero nakakain na siya, nakapaghugas, at nakapaglinis ng kusina pero hindi pa rin lumalabas ang binata.
She wrinkled her nose. Nangalumbaba siya. Ano kaya ang ginagawa nito? Natutulog? Ah, baka nagpipinta. Pero sabi nito muse siya nito kaya bakit hindi siya nito pinagmo-model sa harap nito?
Kapagkuwan ay napansin niya si Oro. The dog was looking at her. Hindi na mabangis
