Hindi ko nagawang maka usap si Raven dahil abala kami sa pagluluto at paghahanda para sa salo-salo ngayong gabi. Narinig ko rin na kaya magha-handa si Señorito dahil inimbetahan niya ang lahat ng mga katiwala sa rancho at hacienda dahil maayos na raw ang kanyang pakiramdam. Tumaas kasi ang dugo niya noong nakaraang linggo at inatake rin siya ng diabetes niya. Mabuti nalang at agad siyang naagapan ng mga doctor sa Manila kaya maayos na ang lagay niya ngayon.
"Manang Celia, sabi po nila Mang Cardo na kulang raw ang panggatong. Nauubusan na raw po sila at marami pang nilulutong putahe ang ibang mga katiwala."
Tumigil naman si Manang Celia sa kanyang ginagawa saka tumingin ito sa akin. "Pat samahan mo muna si Enteng sa palengke dahil kinukulang ang panggatong para sa pagluluto." Hindi na kas
