(Matteus Pov)
Pagkatapos naming kumain sa restaurant ni Trixie ay umalis rin kami kaagad. Napag-alaman ko na lang parents pala niya ang nagmamay-ari ng restaurant na iyon, kaya naman pagkapasok na pagkapasok palang namin doon sa loob kanina ay halos pumipilipit ang leeg ng mga empleyado roon sa aming dalawa.
Ngayon naiitindihan ko na kung bakit ganoon na lamang silang makatingin sa akin. Marahil ay iniisip nilang may relasyon kaming dalawa gayong matagal nang tapos ang lahat sa amin ni Trixie.
Nakalimutan ko rin pala na nanggaling siya sa magarang pamilya, kaya naman medyo may pagka-spoiled brat siya at pilya. Pagkatapos kong maikwento ang tungkol sa mga nangyari sa amin ni Furi pati na ang pag-resign ko sa aking trabaho ay bigla naman niya akong inalok na magtrabaho sa restaurant nila
