KABANATA 16
“Looks like sooner or later, you’ll get abandoned, Jian,” nanunuyang sambit ng babae sa tabi niya.
Walang-wala na ang maskara nito. Ang tunay na ugali nito na si Jian lang nakakakita. Kung sa harap ng asawa ay may hinhin itong pinapakita, sa harap niya nama’y isa na itong napakalaking ahas na walang habas na lumilingkis sa asawa niya. Kaya nga siguro mabilis nitong nakuha si Felix dahil ahas ito. Isang nakalalason na ahas na hindi tumitigil hangga’t hindi nakukuha ang gusto. Hinarap ito ni Jian at sinamaan ng tingin ang nakangisi nitong mukha.
“Pero kahit baliktarin mo ang mundo, kabit ka lang. Ako ang asawa. Kami ang kasal,” nanggagalaiti niyang sagot dito.
Tinaas niya pa ang kaniyang kamay kung saan makikita ang singsing ngunit imbes na mapawi ang ngisi, mas lalo lang iyo
