KABANATA 18
Tinalikuran na ni Jian ang dalawa habang buhat si Vander, kaso huli na ang lahat. Pagharap niya ay naroon na si Vernon habang dala ang mga order nila. Takang-taka at salubong ang mga kilay nito na nakatingin kay Felix. Nagsimulang kabahan at pagpawisan si Jian dahil nasisiguro niya na hindi maganda ang patutunguhan nito.
“Daddy, Tito Felix is here!” masayang untag ni Vander na buhat niya habang tinuturo pa ang dalawa.
“Ano ang ibig sabihin nito, Jian? Sino iyang babae na akay ng asawa mo?” tanong ni Vernon na ngayon ay sa kaniya na nakatingin.
Jian was about to say something kaso naramdaman na niya ang presensiya ng dalawa sa kaniyang likod. Pabango pa lang ni Felix ay alam na niyang nasa malapit na ito.
“Fancy meeting you guys here.” Tumingin siya sa asawa niya na ngayon
