"Baka pinadalhan ako ni Mr. Jones ng makakain?" naglaway ako sa ideya na iyon.
Perfect timing, nagugutom na rin talaga ako. Tikim lang ang nangyari kanina sa business lunch. Sino ba naman kasing makakakain sa harap ng matandang manyakis na tumatagos ang paningin sa loob ng suot mong damit? Nadala na ko sa nangyaring gulo kay Trinidad. Kahit gusto ko sapakin si Mr. Lanuza kanina ay matinding pagpipigil pa rin ang ginawa ko.
"Ah, I want something sweet. I should have requested for that." naiusal ko, kumakalam ang sikmurang tinungo ang foyer diretso sa dining room.
Nagningning ang mga mata ko nang makita ang nakahain sa mesang blackberry tart, cinnamon rolls, french macarons, at kung ano-ano pang pastries. Excited akong dumampot ng biscotti at kakagatin na sana iyon nang mapadaan sa har
