Ingay ng paligid ang unti unting nagpagising sa akin. Napamulagat ako nang makarinig ng malalakas na putok, parang malapit lang iyon sa kinaroroonan ko.
Nang bumalik na ng tuluyan ang ulirat ko ay agad akong tumayo. Ngunit agad rin akong bumagsak sa matigas na semento.
“Ah…” Daing ko nang makabawi sa pagkabigla.
Hindi ko maiwasang umiyak dahil sa hapdi ng aking kaliwang brasong nagasgasan dahil sa pagkakatumba ko. Pakiramdam ko ay may gasgas rin ako sa pisngi dahil mainit at mahapdi ang pakiramdam ko sa parteng iyon.
Nakatali ang mga kamay at paa ko. Nasa isang kwarto rin ako at tanging mga liwanag mula sa butas butas na bubong ang naging ilaw ko dito sa loob.
Pilit kong iniupo ang aking sarili kahit hirap na hirap akong gawin iyon. Patuloy pa rin ang mga naririnig kong ingay mula sa
