19: Let's Be Honest
MARCUS POV
"WHAT HAPPENED?" salubong sa amin ng matatanda pagpasok ko sa bahay, buhat ko si Ayana na nakatulog na sa kotse kanina sa kakaiyak. Hindi ko alam kung anong nangyari sa kanya dahil ayaw naman nitong magsabi. Pero isa lang ang natitiyak ko nag-alala ito at natatakot kanina sa restaurant.
Paanong ang babaing kasing ganda nito sobrang emosyonal pala.
"Bakit... anong nangyari sa apo ko ha, Marcus!" tarantang pangungulit ni Lolo Juancho.
"Ano ka ba, Juancho hayaan muna nating i-akyat ni Marcus si Yana sa kuwarto niya." saway ni Lolo Fred dito. Subalit sumunod naman ang mga ito sa amin.
Maingat kong inihiga si Yana sa kama. Inalis ko ang sout nitong sandal saka ko kinumutan.
"Ano bang nangyari sa'yo?" tanong ko dahil di ko maiwasang mag-alala dito. Mai
