DINALA NI DAVE si Oman sa Mcdonalds sa Aurora Boulevard. Habang kumakain, ay hindi maiwasan hindi makaramdam ng awa ng binata para sa kapatid ng kaibigan. Kung hindi niya lang kilala ito, malamang naisipan na niyang pulubi ito o batang hamog. Gusgusin ang itsura, madumi at halatang walang pera.
Gutom na gutom naman ang bata habang sinisimot pa ang inorder na chicken. Bumuntong hininga siya.
"Ano ba kasi nangyari, Oman? Bakit nandito ka sa Manila? Hindi ba't dapat nasa Cebu kayo? Naku, kung malalaman ito ng Ate mo sigurado magaalala 'yon sainyo..." naiiling na sabi ni Dave sa bata.
Pagkatapos nito lunukin ang pagkain ay naiyak ito at pinahid ang luha sa pamamagitan ng braso. "Kuya Dave... may balak naman kami sabihin kay Ate. Pero huwag muna ngayon..."
Napapalatak siya. "Bakit hindi? Na
