PAGKARATING SA BAHAY ay parang nalugi sa negosyo ang tatlong binata. Nasa kwarto na nito si Andrea at nagpapahinga. Ngunit ang tatlo ay hindi na muling naibalik ang mga sarili sa pagtulog. Paano pa matutulog kung gising na gising ang diwa nila sa nakaka-traumang nangyari sakanila?
Nasa sala ang tatlong binata. Nakapaligo na ang tatlo at ginagamot ni Jedric ang sugat niya sa paa. Naglalagay naman ng betadine si Reeve sa mga sugat at galos niya. Fresh na fresh naman na si Rihan. Kumuha ang huli ng alak sa bar counter nila at dinala 'yon sa sala kasama ang shot glass.
Napatingin dito ang dalawang lalaki. Naintindihan ni Rihan ang tingin na yon. "Pangpakalma at pang-paantok. Alam kong hindi rin kayo makatulog,"
"Punyeta, sino bang makakatulog, mahulog ka kaya sa imburnal? Parang nalalasahan
