Louise
NAPAHIYA siya nang sobra sa pagtataboy sa kaniya ni Kaiser. Ginawa niya ang lahat ng mga posibleng magugustuhan ng binata na kahit ang mga kasulok-kasulukang bagay na alam niya rito, ginawa niya. Pinasundan niya ito hanggang sa nagkaroon ito ng buhay kasama ng babaeng hindi niya alam kung saan nito napulot.
Nasa loob siya ng sasakyan kasama ng kaniyang mga bodyguard nang huminto sila sa tapat ng condo unit kung saan nakatira ang binata. Batid niyang hindi na ito umuuwi dahil sa naroon pa rin ang mga ito sa Forbes Park. Kaya lang napuna nila ang isang SUV na laging naroon at tila nagmamatyag.
“Franco, noong isang araw ko pa napansin ang sasakyan na iyan at tila may inaabangan. Lapitan niyo at gusto kong makausap,” utos niya.
“Areglado, Ma’am.”
Kumilos agad ang kaniyang mga tauha
