-Daniella
Tinignan ko ang iniabot na resibo sa akin ng customer saka ko ito ininspeksyon. Tinignan ko rin ang mga pagkain sa table nila at mukhang sa kanila nga ang dala-dala kong pagkain dahil ito na lang ang kulang sa mga binili nila.
"Here." Tinawid ko ang distansya ko sa lamesa saka ko inilapag ang tray. Hindi ko na hinintay ang pagpapasalamat nila at pumihit na kaagad patalikod para pumunta sa counter.
Ito na ang araw na pag-aaralan ko kung paano kalikutin ang computer sa counter at paano ba ang ginagawa ng mga kasamahan ko kapag may umo-order. On-the-spot training ang ipinagawa sa akin dahil tumatanggap na ako ng customer habang katabi ang katrabaho ko na nagtuturo sa akin kung anong dapat pindutin sa screen ng computer para i-enter ang order.
Medyo inaantok na ako dahil napuyat
