رايه العشق

الفصل الرابع❤️⁩

دخل اسر القصر ووجدهم مجتمعين عندما رأته نرمين نهضت من مكانها وذهبت اليه في لهفه وقالت:

ازيك يا اسر عامل ايه .

رد عليها اسر في برود: الحمد لله يا نرمين

وتركها وجاء يذهب نادي عليها أبيه :

ايه مفيش ازيكم ولا حاجه ولا احنا مش اهلك

إبتسم اسر في سخريه :

لا ازاي اهلي يا ابراهيم باشا .

زينب:احضر لك العشاء يا حبيبي.

آسر: لا ياماما مليش نفس انا داخل انام .

وتركهم وصعد الى غرفته..

نهض فؤاد من مكانه :

عن إذنكم يجماعه بقي .

محمود :علي فين يا فؤاد بيه .

رد عليه بنفاذ صبر :

خارج يابابا خارج فيه حاجه في دى كمان .

جاء محمود أن يرد ولكن سبقته هنادى :

روح يا حبيبي اتفسح واخرح.

وركب سيارته وخرج ....

محمود بغضب: علفكرة انت اللي مدلعاه

هنادى:

ميدلع لسه صغير .

محمود بسخريه :

صغير إيه اللي أدة مخلص جامعه ، أما هو لسه بيعيد تانيه حقوق يا هانم .

قلبت هنادى عيناها بمال ولم ترد عليه ...

قامت زينب :

عن إذنكم انا طالعه أنام ..

******** ************** **********

دخل إبراهيم الغرفه ووجد زينب تجلس أمام المرأه

ابراهيم:عجبك يا زينب اللي آسر بعمله دة

زينب : بعمل ايه

إبراهيم في غضب : يعني مش عارفه عاجبك طريقته دى .

زينب في لوم وعتاب :

أنا ياما قلتلك الكلام دة قلتلك هتبني حواجز بينكم ، مسمعتش كلامى .

إبراهيم بدهشه : حواجز ، علشان عاوز مصلحته .

زينب في غضب من كثرة تبرير أخطائه :

مصلحته ولا مصلحه عيله الصياد وسمعتها حتى لو علي حياب إبنك ومشاعره .

إبراهيم في يأس :

انا كنت عاوز مصلحته يا زينب .

زينب في سخريه وهي تستعد لتنام:

مصلحته الكلام دلوقتى مش هيفيد بحاجه .

جلس إبراهيم وحيدا يفكر هل حقا كما قالت زوجته أنه قسي عليه ..

**********"*****************

نرمين بيأس :

شايفه يا ماما آسر بيعاملنى إزاي عمره ما هيحس بيا ولا هيحبنى .

ردت هنادى في دهاء :

اوعدك يا نرمين آسر مش هيبقي غير ليكى ، وهتتجوزيه .

نرمين بفرحه ظاهرة:

ياارب يا ماما ياارب ..

*************************************

ذهب فؤاد إلي ملهى ليلي

ياسر :

الدنيا بقت صعبه اووي انا مش معايا ولا مليم .

فادى :

دلوقتي فؤاد يجي ويروشنا ، إصبر بس .

دخل فؤاد وجلس بغضب :

هاي يشباب ..

فادى :

مالك يا فؤش ، إيه اللي قالب مزاجك كدا.

فؤاد :

زي كل يوم إيه الجديد .

ياسر :

باباك بردوا .

فؤاد بغضب عندما يتذكر :

ايوة هو فيه غيرة ، سيبك انت ، جبتم الحاجه .

أخرج ياسر كيس أبيض من جيبه ، وغمز لفؤاد :

طبعا يا برنس دا أنا معايا صنف يودى الدماغ وميرجعاش تانى ..

ضحك فؤاد:

أيوة إحنا عاوزين كدا.

واخذ الثلاثه يسمون تلك السموم البيضاء التى سوف تدمر حياتهم..

***************************

أشرقت شمس يوم جديد في غرفه متوسطه الحجم ، ضرب المنبه معلناً عن إستيقاظ صاحبته ، أخذت دارين بالتثاؤب فتحت عيناها الخضراء ، ونهضت إستعدادا ليوم جديد .

في الخارج :

إستيقظت والدتها وأخذت تعد الفطور لابنتها لكي تذهب الي الجامعه ...

وبينما هي تضع الطعام علي السفرة ، رفعت بصرها ووجدت صورة زوجها وحبيب عمرها ونزلت دموعها وتذكرت :

Flash back :

وصلوا الى الحي المتوسط حيث شقه خالد دخلوها وجدت فاطمه الشقه ليست سيئه بل بالع** متوسطه الحال.

وضع خالد يديه على كتفها وقربها من حضنه :

إيه عجبتك الشقه .

فاطمه بابتسامه جميله :

جميله يا خالد ربنا يخليك لينا.

إحتضنها وقبل مقدمه رأسها :

ويخليك ليا يا ثمره حياتي.

كان يعمل ليل نهار لكي يوفر لعائلته احتياجاتهم ولكن اصابه المرض و اعياه

وتوفي ودارين مازالت فى السابعه من عمرها ومن يومها ظلت فاطمه على ذكراه ولم تتزوج على الرغم من تقدم الكثير ، لكنها رفضت عسي ان يجمع بينهما الله في الجنه .

خرجت دارين ووجدت امها تبكي امام صورة والدها فرت دمعه من عينيها عليها هكذا حال امها منذ وفاه ابيها تقضي بالساعات امام صورته تبكي

نادت عليها :

يا ماما مش كفايه حزن بقى يا ست الكل .

مسحت فاطمه دموعها :

مش بايدي يا بنتي.

داريت بمرح :

انت شكلك ما عملتيش فطار ليا عاوزاني اروح الجامعه من غير اكل .

ابتسمت فاطمه:

لا يا روحي الاكل على السفره وافطري بس انت ايه اللي مصحي البرنسيسه في ميعادها دا انا بقعد بالساعه أصحيكى.

ضحكت دارين ملئ فمها وهي تجلس وتأكل :

عندك حق يا ماما بس اعمل ايه ورايا محاضره للدكتور غلس كمان هنا بتنفخني لما اتاخر عليها.

فاطمه :

تستاهلي علشان تصحى بدري و متغلبنيش معاكي . قال دارين بحزن مصتنع:

كده يا ماما .

ضحكت فاطمه على طفوله ابنتها:

يلا كلي وإمشي وانا راحه الشغل.

دارين في حزن:

قلتلك يا ماما كفايه الشغل ده انا خلاص كبرت واشتغل جنب الجامعه وأصرف وخليك مرتاحه فاطمه في شيء من الحزن والشده:

دارين ميه مره اقول لك كفايه كلامك ده انا راضيه ملكيش دعوه ولا انت اللي هتستعري من خدمه أمك في البيوت .

قامت دارين في لهفه :

انا ابدا يا ماما ربنا يخليك ليا.

فاطمه بحب :

وانت كمان يحببتي انا عايزاكي احسن واحدة في الدنيا.

تذكرت دارين المحاضره والاهم من المحاضره صديقتها هنا قفزت من حضن امها :

يا لهوى ياماما اتاخرت علي المحاضره وهنا .

ضحكت فاطمه :

أنا خارجه ، وانت متتأخريش .

ردت من الداخل حاضر يا ماما .

جهزت نفسها وذهبت الجامعه بعد ان لبست فستان ابيض تحت الركبه بقليل فيه ورود حمراء وصفات شعرها في كعكه فوضويه ولكنها انيقه وخرجت وفي طريها لاسفل إعتراض طريقها أنور جارهم.

انور بسماجه : صباح الخير يا ست البنات.

دارين بملل :صباح النور .

انور مش هتحني علينا بقي .

ذهبت دارين بعد ان القت عليه نظره كره.

********************************

أما عند هنا كانت منتظرة صديقتها رات قطه صغيرة وسط الطريق وسيارة مسرعه سوف تدهسها ، جرت علي القطه لتنقذها ، فضغط صاحب السيارة المكابح حتي لا يصدمها .

نزل جاسر من السيارة في عضب :

انت بتعملي إيه يا عاميه انت ، هتموتي نفسك ادام عربيتي وتلبسيني تهمه

ذهلت هنا من طريقه حديثه :

انا عاميه ، مفيش اعمي غيرك إنت كنت هتموت القطه

جاسر بزعيق :

تقومي ترمى نفسك ، وأبتلي أنا بيكي

هنا بزعيق أكبر واخذت تلوح بيدها :

ما تحترم نفسك يا جدع إنت ، انت عمال تشتم وانا ساكته ، هو أيه سكتنا له دخل بحماره ولا ايه

جاسر بصدمه :

حماره ، حماره إيه يا غ*يه

هنا بغضب أشد :

والله ما في غ*ي غيرك

جاء جاسر ان يرد ولكنه رن هاتفه :

هنتقابل تاني وهاخد حق منك يا متر ونص انت .

ضربت هنا بقدميها الارض لقوله متر ونص لانها قصيرة .

*******************

دارين :

ازيك يا هنون .

هنا في غضب لا تعرفه دارين :

ما لسه بدري يا ست دارين

دارين بدهشه من غضبها :

مالك يا هنا في ايه ..

حكت لها هنا ما حدث

ضحكت عليها دارين حتي ادمعت عينيها .

اغتاظت هنا منها : أنا غلطان علشان حكتلك اصلا ،

ثم أكملت بهيام : بس حته مز قمر يخربيتك ،عنيه تخطف كدا

دارين بضحك: يلا التريقه مجتش علي الفاضي بقي

نهضت هنا بغضب : ماشي يا ديدي ماشي يلا علشان المحاضرة .

************************

استيقظ آسر واستعد للذهاب للشركه ، ولبس بدله رماديه اللون تحتها قميص من نفس اللون وصفف شعره وخرج قابله جدة:

آسر تعالا عاوزك

آسر بجديه بعدين يا جدو ورايا اجتماع مهم.

عبدالله : خمس دقايق مش هعطلك.

جلس آسر أمام جده :

إيه أخبار الشغل .

آسر بجديه ':

تمام يا جدو ، وهنسلم المشروع الجديده اهو .

عبد الله :

عال اووي ، انا حاسس ان العمر مفهوش كتيير ، علشان كدا قررت ، كل حاجه تحت أمرك إنت وابوك ، وأكتب الوصيه وتبقي معاكم ، وبعد أما أموت كل واحد يأخد نصيبه ، أنت عارف عمك .

آسر ببرود :

والله اللي انت شايفه إعمله عن إذنك

وذهب ...

غافلين عن تلك التي وقفت تتصنت وسمعت ان كل شئ تحت أمر آسر وإبوه ولكنها لم تسمع باقي الكلام

***************************

وصل آسر الشركه ودخل بهيبته التي يخاف منها العاملين، وهيئته التى تخطف الانفاس

آسر : اما جاسر يجي خليه يجيلي المكتب

السكرتيرة : حاضر يفندم .

وصل جاسر ودخل لصديقه ، كان جاسر يحدث نفسه حماره انا حماره طب والله لما أشوفك يا متر ونص انت

إستغرب آسر صديقه :

مالك يا ابني بتكلم نفسك ولا ايه ، اتهبلت

ضحك جاسر بسماجه :

بعد الشر عليا ، بس حصل حاجه كدا معايا

آسر :

خير

قص جاسر ما حدث لصديقه .

ضحك آسر :

والله بت جدعه ، علشان عملت كدا مع جاسر الراوي .

جز جاسر علي اسنانه :

طب يلا علشان الاجتماع يا محامي البت .

ازدات ضحكات آسر علي صديقه وذهبا للاجتماع *********★********★****★***************

بعد مده انتهي الاجتماع :

جاسر بتعب :

انا معنتش قادر خلاص ، انا جوعت اووي

آسر بضحك :

عندك حق وانا كمان .

هب جاسر من مكانه :

طب يلا ناكل ، يلا بينا علي بيتي .

آسر لكي يغيظه :

ليه هتطبخ لينا انت ولا ايه ، انا مش عايز أموت .

جاسر بضحكه صفراء :

لا يخويا الست اللي بتنظف البيت ، بتعمل أكل حلو اوووي.

نهض آسر ولملم أشياء :

طب يلا بيينا .

ركب كلا منه سيارته وذهبا الي منزل جاسر

كانت فاطمه قد انتهت من تنظيف المنزل وتحضير الطعام .

فوجئت بمن يفتح الباب وينادى :

ست فاطمه ......ست فاطمه ....

خرجت وردت عليه :

نعم يا جاسر بيه . ......