رايه العشق

الفصل الثامن عشر⁦❤️⁩

دخل آسر الجناح وكأنه لم يرها أخذ ملابسه ودخل الحمام ، فمنذ آخر مواجهه بينهم ورفضها له لم يعد يهتم لامرها.

وقفت دارين تضرب بقدمها الارض من معاملته الجافه ، وقع نظرها علي هاتفها :

ياااه كل دى مسدجات من هنا ..

فاتصلت بها ، ردت هنا كالاعصار الذي لا يتوقف:

انت فين يا ست دارين ، كده يا واطيه اعرف انك اتجوزتي من الاخبار ولا تبعتيلي ولا تكلمينى حتي ماشي يا دارين، والله ل....

ابعدت دارين الهاتف من شده صوتها، فضحكت علي عصبيتها:

هههههههه إهدي بس يا هنون جت كل حاجه بسرعه والله هحكيلك .

واخذت تقص عليها ما حدث معها منذ وفاه والدتها ، كان آسر قد انتهى من حمامه ولكنه عند سماعه لضحكاتها توقف يستمع لها وهى تثرثر مع صديقتها ..

ردت هنا بحزن :

البقاء لله يا ديدي ،ثم اندفعت :

بس بردوا زعلانه منك علشان مقلتليش ها ..

ردت دارين بضحكات تطرب قلب آسر:

هصالحك، اما أشوفك ، قوليلي بقي أخبار الجامعه إيه.

هنا بابتسامه:

ماشي ،بصي المحاضرات معايا كلها هصورهالك .

دارين بامتنان:

ميرسيه يا هنون ، طب موضوع التدريب .

هنا باحباط :

لسه بابا بيشوف شركه كويسه .

ثم أكملت بتفكير:

دارين ، طب ما جوزك صاحب الصياد للهندسه والمعمار متقولي له نتدرب عنده .

دارين بتوتر :

لا .هو هو.... نستني باباكى وخلاص .

هنا بتاكيد .:

ليه بس ما عندنا الحل ، قوليله وهو مش هيعارض .

دارين بقله حيله:

حاضر ، هشوف وأقولك.

انهت دارين المكالمه، خرج اسر بعدها ، وهو عاري الص*ر ، ويجفف شعره بمنشفه صغيره ، شهقت دارين بخجل ، ولكنه لم يعيرها انتباه ، دخل غرفه الملابس ، ارتدى ملابسه ، وجلس علي السرير وهو يتفحص الحاسوب الخاص به.

كانت دارين تجلس علي الاريكه تتابعه وهو يعمل وكأنها ليست معه بالغرفه ،او كهذا تظن لان آسر لم يغفل عنها كان يراقبها ، عزمت علي إخباره بالامر

وقفت بجوار السرير وهى تفرك في يديها ،كان آسر يتابع حركاتها ويعلم ما تريده .

دارين بارتباك:

آسر ..

عند سماع إسمه من شفتيها ، كان يريد أن يأدب تلك الشفاه علي ما تفوهت به .

تململت دارين في وقفتها وهيا تنادي ،فاقتربت منه ووضعت يديها علي كتفه :

آسر .

آسر كمن لدغته أفعي ، هب من مكانه فلمستها له أضمرت النار في جسده، فاعطاها ظهره :

إيوة ،في إيه .

حزنت دارين لرد فعله ، ألهذه الدرجه لا يطيق لمستها.

دارين بحزن :

كان في موضوع عاوزه أكلمك فيه .

آسر سمع نبرة حزنها فأكمل وهو علي وضعه:

إيه هو .

دارين بارتباك :

الكليه طالبه إننا يعني نتدرب وكدا في شركه ، ممكن نتدرب في شركتك.

آسر بمكر:

مفيش مشكله ، بس عندي شروط .

دارين بدهشه:

شروط ، إيه هيا .

آسر بتلاعب :

تنامي علي السرير، دا أول شرط والباقى هتعرفيهم في وقتهم .

فتحت دارين فمها لتدحدث ولكن قاطعها بحزم مصطنع :

مش عاوز نقاش ، عاوزة تتدربي ، يبقي تنفذي شرطي ، وتركها وذهب لجانب سريره وأطفأ النور واصطنع النوم.

وقف دارين تفكر في عرضه ، فمذ زراجهم ورفضها لاعطاء حقوقه وطلبها للطلاق وهيا تنام علي الاريكه ، وفكرت في صديقتها ، لم يكن لديها حل سوي الخضوع لقراره والموافقه علي شرطه ، كان آسر يتابعها ، إتجهت دارين إلي الجهه الاخرى من السرير، إبتسم آسر ، فاهو قد خطي خطوة تقربهم من بعضهم

أخذت تتقلب في مكانها ، أنتظمت أنفاسها دليل علي استغراقها في النوم فعلم أنها غطت في النوم ، فأخذها في أحضانه وقبل رأسها:

نامي يا عمر آسر ، ربنا يقدرني علي جنانك.

★★★”★★★"★★★★.

شعرت دارين بالراحه وهي تنام فوق فراش ناعم ، وليس تلك الاريكه البائسه ، تسللت اليها رائحه عطره والدفء الذي يحيط بهاأثر ذراعيه التي شعرت تحيطان بها بشدة تقربها إلي ص*رة وهنا فتحت عينيها بقوة لتصدم م برأسه المدفون في تجويف عنقها ، وذراعه اسفلها ، والاخر عند خصرها يقربها منه بقوة ، إستيقظ آسر من حركتها ولكنه إصطنع النوم ، جاءت تتحرك ولكنه جذبها إليه وغمر راسه في عنقها واخذت يقبلها بشغف ، إضطرب دارين من حركاته فحاولت إزاحته لتتحرك ولكنه لم يرد :

آسر .. إبعد ...آسر ..

تمالك نفسه وابتعد عنها ، دارين بارتباك من وضعهم :

أنا إيه اللي نيمنى كدا .

رد عليها بصوت أجش من فرط مشاعره :

إنت حلمتي بكابوس ولقيتك دخلتي في حضنى كدا.

ولم يمهل لها الفرصه لترد عليه ،فقد ذهب الي الحمام لكي بطفئ نيران جسدة ...

★★★”★★★”★★★★.

نزلت بجواره ، فهذا اليوم الاول لها التدريب معه ، جلست علي السفرة .

زينب بحب:

أيوة كدا يحبيبتي إنزلى وإفطرى معانا .

وضع آسر الطعام أمامها :

بعد كدا يماما دارين هتاكل التلت وجبات ومش هتسيب ولا وجبه ..

كانت تهم الرد لمعاملتها كالطفله ، ولكنه إقترب من أذنها بهمس :

دا تاني شرط يا رايتي .

نظرت إليه بغيظ ولم تتحدث ..

كانت هناك زوج من الاعين لم تغفل عنهم ، فكانت هنادى تتابع اهتمام آسر لها بحقد، أما نرمين عند رؤيتهم لهم سويا ،إعتذرت عن الطعام وصعدت إلي غرفتها ..

إبراهيم :

إنت لابسه ورايحه فين يا دارين.

دارين بتعجب من إهتمامه :

رايحه ال..

قاطعها آسر :

دارين جايه معايا الشركه .

هنادي بغضب :

وليه يعني ، هناكلها هنا ولا إيه.

آسر ببرود:

لا ، هيا مطلوب تتدرب في شركه علشان كليتها وانا قولتلها تيجي شركتنا.

زينب بحنيه :

خلي بالك منها يا حبيبي .

آسر بهمس لايصل لمسامعها وعيونه تمر علي ملامحها :

في قلبي .

هنادى بتصميم :

ونرمين كمان أنا عاوزها تتدرب في الشركه .

إبراهيم باستغراب :

طب هيا تجاره هتتدرب إيه .

عبد الله :

وإيه يعني تجارة ، تتدرب في قسم الحسابات.

آسر وهو ينهض ويمسك يد دارين:

ماشي ، تشرف وأنا هشوفلها الموضوع دة .

★★★”★★★★”★★★★.

هنادى بغضب :

إنت هتسكت علي المهزله دي يا بابا .

محمود مؤيد لكلام زوجته :

أيوة ، أنا مش راضي علي اللي بيحصل دة ، آسر هيخلي سمعتنا في الارض ثم نظر ل إبراهيم :

ولا إيه يا إبراهيم .

إبراهيم بتفكير :

آسر مبيعملش حاجه غلط ، إتجوز اللي بيحبها ، وكلنا عرفنا .

إستغربت هنادي رأيه :

مكنش دا كلامه زمان يا إبراهيم .

إبراهيم بعصبيه :

غلطت زمان ومش هكرر الغلط دة كفايه أنه بيكرهني لحد دلوقتي ، ومفكرني عدو له مع إني أبوة ، قسوتي عليه خليته يكرهني .

هنادى وهي تنظر باتجاه زينب :

دا مش كلامك ، دا كلام ...

قاطعها بغضب :

أيوة كلامي اللي مراتي حاولت معايا فيه زمان ومسمعتش كلامها .

ثم أكمل با نهيار :

يارتني سمعته... يارتني .

ذهبت زينب تجاه زوجها تسانده وصعدا إلي جناحهم .

هنادى بدهشه وغضب مماحدث :

عجبك كدا يا بابا .

عبد الله بقله حيله :

أعمل إيه يعني يا هنادى .

محمود متدخلا:

نجوز آسر لنرمين علي الاقل دى من نسل الصياد ولو خلف يخلف منها.

هنادى بتفكير في رأيه والذي راق لها كثيرا :

إيوة يا بابا محمود عنده حق .

إقتنع عبد الله بكلامهم وأيدة وعزم على أن يتزوج كلا من اسر ونرمين .

★★★”★★★”★★★”

ذهبت نرمين إلي النادى لعلها تريح أعصابها ، فما زالت لا تعرف التحكم مشاعرها ، ووجود دارين أمامها بجوار آسر يجعلها تريد أن تقتلها .

جلست تفكر في وضعها ، غافله عن ذالك الذي أتى وجلس يراقبها ، أحست بمن يراقبها نظرت ووجدته .

أدهم بابتسامه :

يااه ، دا شكله الموضوع صعب اووى ، مين سعيد الحظ ده .

ارتبك دارين من سؤاله :

لا مفيش .. دا .دا انا كنت سرحانه شويه .

أدهم بتهدئه :

إهدى إهدى ، أنا كنت بهزر معاكى

نرمين بعصبيه :

أهدى إيه ، إنت شايفنى مجنونه أدامك ، وبعدين مين سمحلك تقعد هنا .

أدهم بحرج من أسلوبها :

أنا آسف ، مكنش قصدى أضايقك عن إذنك .

نرمين بلهفه وإعتذار :

أنا أنا آسفه يا آدهم ، بس أنا مضايقه شويه .

أدهم بجديه :

بصي يا نرمين انا هقولك حاجه دلوقتي وياريت متقاطعنيش ، أنا بحبك ، أيوة بحبك من أول يوم شفتك في النادى وانا حبيتك تقدر تقولي بقي حب من أول نظرة ،أنا عارف إنت بتفكرى في إيه وعارف إنك بتحبي آسر إبن عمك .

إستغربت نرمين من علمه بهذا الامر .

متستغربيش أنا عارف عنك كل حاجه ، اللي بيحب حد بيعرف عنه كل حاجه ، وانا مش طالب من غير إنك تديني فرصه واحدة وتفتحيلي قلبك ، ساعتها هتعرفي إن حبك لآسر مكنش إلا حب أخوة مش أكتر.

هم أن ترد عليه ، ولكنه إستوقفها :

أنا مش عاوز ردك دلوقتى يا نرمين ، فكرى كويس ، وأما توصلي لقرار أنا كل جمعه هنا في النادى بدرب رمايه هكون موجود عن إذنك .

قال كلامه دفعه واحدة وذهب ، وتركها تفكر فيما قال..

★★★★”★★★"”★★★★.

نسي آسر مفاتيح سيارته فترك دارين وذهب ليحضرها ،وعندما جاء ووجدها تتكلم مع فؤاد ، وصوت ضحكاتها تتعالي ، فتنفس بغضب وإشتعلت النيران بقلبه من الغيرة ، فأخذ يطوي الارض حتي وصل إليهما ، فتحدث ببرود علي ع** نيران قلبه :

إيه إنت جيت إمته يا فؤاد .

فؤاد بابتسامه :

من شويه ، عن إذنكم .

ركب آسر السيارة ولم يوجه لها كلام ، فلو تكلم معها لكان كلامه نار يحرقها ، إستغربت دارين حالته وركبت بجوارة .

آسر وهو يقود.ونظره لا يحيد عن الطريق :

إنت لسه مش فكراني يا دارين .

دارين بارتباك :

لا .. م مش فكره حاجه..

نظر إليها آسر نظرة لم تستطع دارين أن تفسرها ولكنها أرعبتها ...

★★★””★★★★”★★★★”

دخلت زينب غرفتهم وهي تساند زوجها ، فهذه المرة الاولي التي تراه بتك الحاله .

زينب وهي تعدل من الوسادة وراء رأسه :

مالك بس يا حبيبي في إيه.

إبراهيم بحب :

حبيبك ، من زمان مسمعتهاش منك يا زينو .

إبتسمت علي لقبها والذي دوما ما كان يناديها بها في صغرها :

ايوة حبيبي ونور عيني كمان .

إبرهيم وهو يضم كفيها :

انت اللي حبيبتي ، ياريتني يا زينب سمعت كلامك زمان ، تفتكري آسر هيسامحنى .

زينب بحب وهيا تمسح علي خده :

هيسامحك ، هو فيه أبن بيكره إبوه بردوا

إبراهيم بأمل :

ياريت يا زينب...

★★★"★★.

دخلت دارين بجواره الي الشركه تابعتهم النظرات والتهانى من موظفين الشركه ، حتي دخلا الي مكتبه .

رفع سماعه مكتبه وحدث السكرتيره :

أما يجي جاسر إبعتيه ، وهاتلي واحد عصير فرش ، وقهوتي .

إغتاظ دارين من أخذة للقرارات دون رأيها .

★★★★”★★★”★★★★”

نزلت هنا من التا**ي عند شركه الصياد للهندسه والمعمار ،وقفت تتأمل المنبي إنبهرت من تصميمه العملاق وبينما هي تتأمل لمحت ذاك الوقح صاحب السيارة وهو يصف سيارته ، توعدت له في سرها ، لم تلاحظه وهو يدخل الي الشركه فكان كل همها أن تشفي غليلها في سيارته تلك والتي يتفاخر بها .

جلبت هنا مفاتيح المنزل وأخذت تجرح في كل مكان في السياره ، وخلعت دبوس شعرها وقامت بإفراغ إطارات السيارة بعد ما إنتهت،

إبتسمت بانتصار فقد أفرغت غيظها منه في سيارته :

إيوة كدا يا بت يا هنون ، يشوف بقي هيروح بإيه ، مش أنا متر ونص بقي .

★★★★”★★★★”★★★★.

دخلت هنا إلي الشركه وسألت علي مكتب آسر ، وجدت السكرتيرة والتي عرفتها عن نفسها وأخبرت مديرها وسمح لها بالدخول ، ما إن رات دارين هنا هبت من مكانها وإحتضنا بعضهم واخذا يبكيان في حضن بعضهما ، إستغرب آسر الوضع ، دخل جاسر ووجد ذالك المشهد فسأل بمرح :

إيه يا آسر مين مات .

سمعت هنا صوته فأخذت تدعي في سرها أنه ليس هو .

إلتف هنا لمص*ر الصوت .

جاسر بصدمه :

إنت .

هنا وفمها مفتوح من الصدمه ، وعقلها يفكر ماذا يفعل هنا .

آسر بدهشه :

إنت تعرفها ولا إيه .

جاسر وهو يضم قبضتيه حتي إبيضت مفاصله :

دى الغ*يه بتاع القطه اللي قلتلك عليها.

هنا بعصبيه لنعتها بالغببه :

والله ما حد غ*ي غيرك .

رن الهاتف الداخلي للمكتب ليوقف تلك المشاجرة ،

رد آسر :

إيه ازاي يعني يحصل كدا وانتم كنتم فين ، هاتولي شريط الكاميرات.

جاسر بقلق:

خير في إيه.

آسر بترد لاخباره :

حد خربش العربيه بتاعتك خلاها شوارع ، وجاب الاربع فرد علي الارض .

جاسر بعصبيه وهو يضرب بقبضته المكتب انتفضت لها كلا من دارين وهنا:

إزاي دا والبهايم اللي تحت كانوا فين هما مش عارفين العربيه دي تبقي لمين، وبتاعت مين .

إستغربت هنا من عصبيته لتلك السيارة ، فمكانته وحالته تسمح له بشراء غيرها .

آسر بتهدئه:

إهدي ، أنا خليتهم يجبوا شريط الكاميرات نشوف مين عملها.

شحب وجه هنا ، وجف الدم في عروقها من كلام آسر ، فسوف يعلموا أنها هيا الفاعله .....

هنا في سرها :

يا وقعتك السودة يا هنا..