GABBIE
“Aalis ka ba talaga? Usapan niyo na ba na iiwan mo ako? Kailan? Kailan ka aalis? Para naman alam ko,” sunod-sunod na tanong niya sa akin at ako naman itong nakatingin lang sa kanya.
“Adler, huminahon ka nga,” sabi sa kanya ni mama dahil aalis na naman sana siya. Gusto na naman sana niyang magwalkout pero hinawakan ko ang kamay niya.
“Para kasing–”
“Sa tingin ko ay maghiwalay na lang muna kayong dalawa. Hindi maganda na ganito kayo lagi. Bigyan niyo na muna ng space ang isa’t isa. Alam ko na pareho kayong nabigla sa lahat lalo na sa kasal. Kung kailangan niyo na ng space ay mas mabuti na maghiwalay na muna kayo. Doon na muna sa bahay si Gab at ikaw, dito ka sa condo mo,” sabi ni mama kaya nakatingin ako sa kanya.
“Three months, kung wala na talaga ay ako na mismo ang tutulong sa
