Chapter 94
Aether's POV
Sa paglipas ng bawat oras na hindi pa rin kami makapasok sa Weigand ay para na akong masisiraan ng ulo dahil sa sobrang pag-aalala kay Keitlyn. Ilang ulit ko na rin na muling sinubukan ang access sa pagpasok sa Weigand pero hanggang ngayon ay error pa rin. Sana lang talaga na wala itong kinalaman sa pagkawala ni Keitlyn. Na nagkataon lang ang lahat ng 'to. Habang kinokontak na nina Ginger ang iba naming kasamahan ay kinakailangan ko nang makaisip ng susunod na hakbang. Pero hindi ako makakaisip agad ng hakbang hangga't hindi ko alam kung kumusta ang ginawa nilang pagkausap sa iba naming kasamahan. Sa ngayon ay kailangan ko na munang maghintay ng update nina Ginger bago mag-isip ng susunod na hakbang.
Kung nagkataon nga na iisa lang ang nararanasan namin, ang susu
