Chapter 33
Keitlyn's POV
Ang mga oras na nasa gitna naming lahat si Timothy ay ang mga oras na pwede na pala kaming magkaisang lahat. Pagkakataon na sana namin 'yon para labanan ang Weigand. Wala man lang kahit na isa sa amin ang nakaisip na kung nagawa iyon ng admin kay Timothy ay kayang-kaya rin nila na paslangin ang bawat isa sa amin nang walang kalaban-laban. Habang nagpapatayan kami sa mga mission namin kung saan maaaring masasaya lang silang nanonood ay ang bawat isa lang ang kinakalaban namin. Lalo lamang nilang nalaman na wala kaming laban sa kanila at kayang-kaya nila kami na mas lalo pang paikutin.
Imbis na isugal namin ang buhay ng bawat isa laban sa kapwa namin estudyante para lang sa mga mission na sila lang din naman ang nakikinabang, bakit hindi na lang kami sumugal kung
