"Pusheen!"
Napangiti ako pagkakita kay Cyrene. Sa wakas at nagkita rin kami. "Pusheen!" sigaw ko pabalik at nagyakap kami.
Kahapon, mula lumabas ako sa impyernong opisina ni Eric, hindi na kami nagkausap ulit. Mabuti na rin 'yon nang makaiwas na ako sa pagmumura niya sa buong pagkatao ko at sa pag-kontrol niya ng lahat ng dapat kong gawin.
Kaya ngayon, kailangan kong pumili ng maayos na susuotin para bukas. Kailangan mag-iba ang dating ko nang hindi niya ako makilala sakali mang nandoon siya tapos hindi na lang kami mag-usap nang tuluyan. At para mangyari 'yon, kailangan ko si Cyrene para tulungan akong mamili ng susuotin. Alam niyo naman ako. Nabansagan nga akong bunny ni Jace dahil ganoong porma lang talaga ang alam ko. Ewan ko ba kung saan ko nahuhugot ang lakas ng loob para mag-iba
