Sinumpa ata ako sa araw na 'to. Pakiramdam ko, lalong lalala ang lagnat ko dahil sa pilay na 'to. Buti na lang at iniwan na niya akong mag-isa rito sa sala niya dahil sa totoo lang, gusto ko nang matunaw. Sa kahihiyan, sa inis... at sa mga titig niya.
Ito ang unang beses na may nagbuhat sa 'kin. Pakiramdam ko, pulang-pula ako the whole time. Mula sa parking space hanggang sa mai-akyat niya ako rito, hindi ko nai-alis ang tingin ko sa kaniya kahit anong subok ko. Siguro, naninibago ako. Kaya nga humanap ako ng paraan para magtalo kami ulit. Hindi ako sanay na mabait siya sa 'kin kasi... it's giving me strange feelings.
Tumawag siya sa isang kaibigang doktor para daw matingnan ang pilay ko. Habang nasa kusina siya, sinulit kong tingnan ang kabuuan ng condo niya. Malaki 'to para sa iisang t
