MALALAKAS na kalabog ang nagpagising kay Rina saka lang niya napansin ang paligid niya at nagsipasukan sa isip niya ang mga nangyari nitong mga nakalipas na oras. Nang tignan niya ang orasan na nakasabit sa dingding doon lang niya napagalaman na alas-dose na pala ng gabi, tatlong oras din pala siya nakatulog.
Medyo maganda na ang pakiramdam niya kaya naman nang akma siyang tatayo ay doon lang niya nakita si Cristine na nakatulog na pala sa gilid ng kama niya. May mga benda na ito mula sa mga natamong sugat at gasgas kaya sigurado siyang maayos na ang kalagayan nito pero kahit na mukha itong natutulog na anghel ngayon ay halata niyang hindi ito komportable sa pagkakayukyok sa kama niya.
Sakto namang nakita niya ang lalaki na kanina na nakasalubong nila sa great hall buti na lang a
