Humahangos na napatakbo si Concepcion papunta kay Jacob. Nasa labas si Jacob ng mga oras na iyon habang naninigarilyo.
"Pre, may natanggap akong report sa Barangay Sampaguita street number one hundred ninety seven. May lalaki daw na laglag sa isang lumang building!" bungad agad nito kahit hindi pa nakakabawi ng hininga. Galing pa kasi ito sa ikatlong palapag.
"Ano?!" gulat na wika ni Jacob at agad na itinapon ang yusi na hawak. Nakikita na rin nila na nagmamadali na ang ilan sa mga kasamahan nila at tiyak nila na doon ito papunta.
"Tara na!" muling sambit ni Jacob at nagmadaling sumakay sa pulis patrol na katabi lamang ng kotse niya.
Kaagad rin namang sumunod ang kaibigan at sumakay. Si Jacob na ang nagmaneho dahil alam niyang pagod pa ang kaibigan.
"Anong sabi sa report? Bakit daw b
