Wala namang musika sa paligid pero pakiramdam ni Nina, nag-aawitan ang lahat ng anghel sa langit. Sa loob ng dalawang taon, ngayon niya lang naulit na ganito kapayapa ang kanyang pakiramdam. Sino ba ang hindi makakaramdam ng ganito kung mga bisig ni Baxter ang nakayakap sa kanya. Pakiwari niya, ligtas siya sa mga haplos nito at busog na busog sa pagmamahal nito.
Napangiti siya habang pinakikinggan ang t***k ng puso ng nobyo niya. Kinikilig siya sa naiisip. Nobyo. Boyfriend. Kasintahan. Uyab. Kahit ano pa ang tawag, sila na nga, kanya na ito nang buong-buo.
“What’s with the smile?”
Tiningala niya ito ngunit imbes na ang mga mata ang sasalubong sa kanya, mapaghanap nitong mga labi ang naging kaulayaw ng bibig niya. Matapos ang halik ay basta na lang siya nito pinakatitigan nang taimtim
