Parang nabingi ang tainga ni Nina sa narinig na sinabi ni Baxter. Court. Ligaw. Hindi siya kaagad nakasagot. Umawang ang bibig niya pero nawalan ng bisang magsalita. Tinalo iyon ng malakas na hampas ng kanyang puso. Dumadagundong sa kaba ang dibdib niya. Parang may malalakas na mga kulog at kidlat na nagsasalpukan sa kaloob-looban niya. Napakurap-kurap ang namimilog niyang mga mata. May namuong bara sa kanyang lalamunan. But then, she still found the courage to ask.
"Bakit mo ako liligawan?"
Kung tutuusin, mas masahol pa nga sa nagliligawan ang mga ginagawa nila. Nakikipaghalikan na nga siya rito. Nagpapahawak ng kamay. Buhos na buhos sa kanya ang halos lahat ng oras nito. Pumalta lang talaga ito kahapon.
"Nina naman. Hindi pa ba malinaw sa'yo ang lahat?"
Ang hirap lang kasing paniwa
