الذكريات

٢٠

تكون سوربي بالمكتب عم تجهز الملفات و بيوصل ناكول ع الشركة و كان بده يفتح باب مكتبها بس تراجع و راح ع مكتبه ، وراح لعنده رودرا

ناكول : تفضل رودرا

رودرا : شفتك واقف عند مكتب سوربي ليش ما فتت

ناكول : لازم ابعد عنها

رودرا : انا بقترح عليك انك بترجعها ع شغلها

ناكول ينصدم : شو ..... ما فيني

رودرا : ليش

ناكول : ما فيني ابعد عنها

رودرا : هي وحدة متزوجة هذا احسن خيار الك

ناكول بيتطلع ع رودرا بحيرة : ما بعرف

رودرا : أنت كتير تحبها

ناكول : بصراحة انا كتير بحبها لسوربي ما بعرف كيف صار معي هيك

رودرا : شو عملت بحياتك هلا

ناكول : خطبت جانكي

رودرا : شو ..... انت متاكد من قراراك

ناكول : بصراحة لا

رودرا : طيب ليش عملت هيك

ناكول : عملت هيك لحتى ابعد عن سوربي

رودرا : ما بعرف شو راح يصير بنهاية معك

ناكول : ولا انا

بيطق الباب و تدخل سوربي و يتطلع عليها ناكول بنظرة إعجاب و شوق وحنين

رودرا : اهلين رفيقتي

سوربي : اهلين رفيقي ، كيفك

رودرا : كتير تمام لما شفتك

سوربي : بس انا زعلان منك

رودرا : ليش شو عملت

سوربي : كل الفترة ليش ما تحكي معي تلفون او تعزمني

رودرا : انا اسف كتير ، راح اعزمك المسا شو رايك

سوربي : لا اليوم لا

رودرا : ليش بعزمك مع بافيا

سوربي : لغير مرة

رودرا : وليش

سوربي : انا كتير تعبانة ما فيني

ناكول يخاف عليها : شو ... تعبانة شو صار معك

سوربي : لا ما في اشي بس راسي يوجعني

ناكول يوقف : يلا نروح ع المستشفى

سوربي : أستاذ صدقني ما في داعي

ناكول : شلون ما في داعي

رودرا يتطلع عليهم بنظرات إعجاب

سوربي : هلا بشرب فنجان قهوة و بكون منيحة

ناكول : لا لازم نروح ع مستشفى

سوربي : أنت ليش ما تفهم علي

ناكول : بالع** انتي يلي ما عم تفهمي علي

رودرا : خلص ناكول هي بتعرف حالها اكتر منك

سوربي : ايه رودرا هلا بشرب قهوة بكون منيحة

ناكول : متأكدة

سوربي : ايه متاكد ، تفضل الملفات خلصت شغلهم بس ناقصهم توقيعك ، انا هلا بدي اروح

رودرا : بشوفك رفيقتي

سوربي : سلام رفيقي ، تطلع وتسكر الباب

رودرا : ناكول ليش كانت ردة فعلك هيك

ناكول : انا ما استحملت لما حكت أنها موجوعة

رودرا : لازم تستحمل وتبعد عنها ، ويطلع من المكتب ويروح ع مكتبه

ناكول : انا كيف فيني ابعد عنها ... ، كتير بحبها يا اللهي كيف راح استحمل ، شو راح يصير فيني

بافيا تكون بمكتب رودرا ويدخل رودرا

بافيا : أنت ما حكيت معي ، فحكيت اجي لعندك احسن ، وتسلم عليه وتحضنه وترن ع جانكي و تحط التلفون سبيكر علشان تسمع شو يحكوا ويقعدوا

رودرا : انا اسف رفيقتي

بافيا : ما في داعي تعتذر رفيقي

رودرا : صحيح انا نشغلت عنك بس كرمال ناكول

بافيا : ليش شو صار مع ناكول

رودرا : انا كتير متضايق ع ناكول وخايف عليه

بافيا : ليش صار اشي معه ليكون مرضان

رودرا : انه مرض الحب

بافيا : شو ...

رودرا : ناكول عشقانها لسوربي و مو قادر يبعد عنها و يعرف أنها متزوجة ولو تطلع من متزوجة شو راح يعمل

بافيا تنصدم : وجانكي شو راح يصير فيها

رودرا : ما بعرف بموضوعها ، اليوم سوربي رأسها بيوجعها ، فهو ما استحمل يشوفها مرضانة ، كان بده يأخذها ع المستشفى

بافيا : راحوا

رودرا : لا ما رضيت ، بس رأسها بيوجعها

بافيا : لهدرجة بيحبها وخايف عليها

رودرا : يمكن اكتر ممن نتوقع

بافيا " انا متأكد جانكي ما راح تسكت "

جانكي تسمع الحكي كله وتعصب : مستحيل ناكول يسير لغيري مستحيل ، لازم اعمل اشي ابعدهم عن بعض ، ناكول و جانكي لازم يتزوجوا لو شو ما صار

وترن ع شخص ما .....

بينكي تروح عند أمها لجانكي ليحكوا بترتيبات العرس

بينكي : مدام ألفا انا كتير مبسوط لانه بنتك راح تكون كنتي

الفا : وانا كمان مبسوطة ، جانكي كتير بتحب ناكول ، بس هو يحبها

بينكي : اكيد يحبها والا ليش يعرض عليها الزواج

الفا : بتمنى هالشي بنتي تستحق السعادة

بينكي : لا تخافي ابني راح يعطيها كل السعادة وما يحرمها من إشي

الفا : انا بوثق بناكول

بينكي : انا اليوم عازمكم ع العشا شو رايكم بتجوا

الفا : بنتشرف مدام بينكي

بينكي : عن إذنك مدام لازم اروح هلا

الفا : إذنك معك

بينكي بتطلع وتروح ع محل مجوهرات و تشتري هدايا وخاتم لناكول

سوربي بالمكتب كتير تتوجع من رأسها ، وتحس حالها كتير تعبانة

سوربي : انا لازم اروح ع البيت ، بدي اطلب إذن من الوحش احسن ما بيعصب علي ، كيف راح احكي معه هلا ، يا الله تعطيني الصبر .

وتروح ع مكتب ناكول وبيكون يحكي تلفون ويأشر أنها بتقعد ، بتقعد سوربي وتستنى ناكول بيخلص المكالمة وتغفى ، ويلاحظ ناكول أنها غافية ويسكر التلفون بيقعد ع طاولة مقابلها و يتف*ج عليها " غفيتي و انتي تستني فيني حبيبتي ، انا اسفة جبيبتي خليتك تتنتظري انتي طالعة كتير حلوة " وتنزل خصلة من شعرها ع وجها و يزيحها ناكول و كان بده يقبلها ويقترب من شفايفها ، بس يتراجع آخر لحظة و يوقف " ما لازم اعمل هيك ، هي متزوجة و لازم ابعد عنها ،رودرا معه حق لازم ارجعها ع شغلها بالعدلية " ويتطلع عليها و يقترب منها و تتفاجأ سوربي وتتطلع ع عيون ناكول

سوربي : انا اليوم عجزت عن الاشي يلي بتحكيه عيونك

ناكول : لو فيني لخبرتك شو بيحكوا عيوني

سوربي توقف وتتلبك و يوقف ناكول

سوربي : انا بدي اخذ اذن بدي اروح ع البيت

ناكول يتفاجأ : ليش بكير

سوربي : بصراحة أستاذ راسي كتير يوجعني و تكون ألينا عم تنتظرني بالبيت

ناكول : شو راسك بوجعك، يلا نروح ع المستشفى

سوربي : صدقني ما في داعي بس انام برتاح

ناكول : متأكدة

سوربي : ايه متاكد ، فيني اروح

ناكول : اذا حابة انا اوصلك

سوربي : لا ما في داعي

ناكول : اوكيه فيكي تروحي

تروح سوربي ع البيت وتدور ع ألينا

سوربي : يمكن لسى ما اجت خليني انام شوي وتنام سوربي ، ويكون ناكول قلقان عليها وترن عليه امه

ناكول : نعم ماما

بينكي : ابني اليوم مدام ألفا و جانكي بدهم يتعشوا عنا، لا تنسى بتجي بكير

ناكول : اوكيه ،راح بجيب رودرا معي

بينكي : متل ما بدك

ناكول بيخبر رودرا بخصوص العشا

وتصير ساعة 6 ولسى سوربي نايمة تفيق فجأة ومفزوعة و تنادي : ألينا ...ألينا ، سوربي تقوم وتدور ع الينا ما بتلاقيها و ترن ع أكاديمية

سوربي : مرحبا بدي اعرف بعتو الاولاد اليوم بالباص

مديرة : ايه بعتناهم بدري من 4 ساعات

تنصدم سوربي وتصرخ باسم ألينا و تكون في رسالة بتلفونها تفتحها

*دايما بيحكو المرة الثالثة هي اكثر حظا ، بنتك حبيبتك ألينا معي ، اذا بدك اياها سالمة توافقي ع شرطي انك تتزوجيني وبعد 5 ساعات برن عليكي ، رفيقك يلي راح يصير زوجك كاران شارما *

سوربي تنصدم وتوقع ع الارض منهارة و بتنادي ع بنتها تبكي

سوربي : ألينا ..... بنتي. ....وينك هلا ليه تركتيني و رحتي

، ناكول و رودرا بيوصلوا ع قصر اوبيروي و يدخلوا

ناكول بيمسك ايد رودرا بقوة " ما بعرف بحس بشعور غريب ، بحس ص*ري يوجعني "

رودرا : شو صار معك ناكول أنت منيح

ناكول : ايه منيح .... يلا ندخل

ويدخلوا ع قصر اوبيروي و سوربي منهارة كرمال بنتها ......