الذكريات

العاشر

بيروح ناكول لعند فيراج و سوربي ويسمعهم

ناكول : كيف تعملي هيك

سوربي : انا عملت صح

ناكول يمسك ايد سوربي بقوة : كيف تتجرئي و تقدمي أدلة ضد عيلتي

سوربي : اترك ايدي عم توجعني

ناكول : ليش قدمتي أدلة ضد عائلتي مزورة

سوربي : انا عملت الصح اترك ايدي

ناكول : الصح انا بقرره مو انتي

سوربي تسحب ايدها بقوة و كتير توجعها

سوربي : أنت ما عندك حق تمسك ايدي

ناكول : وانتي ما عندك حق تتهمي عائلتي بأدلة مزورة

سوربي : أنت عيونك مغطيات عن الحقيقة لما تكشفها راح تنصدم اكتر مني

كاران بيروح عند سوربي : يلا سوربي خلينا نروح

ناكول : ما فيها تروح ولا لما بخلص حكي

سوربي : وانا ما بدي احكي معك

كاران : يلا سوربي ، ويمسك ايدها

ناكول يعصب منهم : روحي معه بس انا راح اخليكي تندمي

كاران : مين انت تهددها وانا موجود

ناكول ما بيعبر كاران ويتطلع ع سوربي بنظرة غضب : انا راح ادمرك سوربي تشاندا و هذا وعد من ناكول اوبيروي

ويروح ناكول وسوربي مصدومة و خايفة إنه يعمل اشي مع ابنتها

كاران : سوربي انتي منيحة

سوربي تتردد : ايه منيحة بدي اروح ع البيت تعبانة

كاران : تعالي معي اوصلك

سوربي بتروح ع بيتها و تفوت ع غرفتها و تبكي وخايفة من ناكول

سوربي : ليش هيك بيصير معي ، خسرت ابي و امي وانا صغيرة ، كل عمري وانا لحالي وهلا رجعت لحالي بعد ما اخذ بنتي هي كل حياتي، انا شو عملت بس كشفت الحقيقة و أنقذت أبوه ليش هيك يعمل فيني ، بنتي وينك هلا ، انا من يومين ما سمعت صوتك حبيبتي ، تبكي كتير و تنام من تعب والحزن

ألينا ببيت جانكي خايفة كتير ع امها تبكي

ألينا : حاس ماما مش منيحة ،وينك ماما بدياكي كتير اشتقتلك ، وتصير تصرخ بالغرفة ماما....ماما

تسمع صوتها ألفا و تروح لعندها

الفا : بنتي حبيبتي شو صار معك ليش تبكي هيك

ألينا : لو سمحتي مدام بدي ماما

الفا : انا ما فيني اعمل اشي

ألينا : ماما.... ماما

تحضنها الفا و تحاول تهديها

الفا : حبيبتي أهدي بترجاكي ، هلا بحكي مع ناكول و يبعتك لعند امك ، اوكيه حبيبتي

تكون ألينا نامت ، تنومها ألفا و تغطيها

الفا : يا ملاكي انتي شو حلوة بحسك كتير قريبة مني ، شو راح اعمل هلا اكيد امها عم تتعذب

جانكي بغرفتها بغرفتها ترن ع بافيا و ما ترد و ترمي التلفون وتعصب

جانكي : انا بعتها لحتى تجيبلي أخبار و ليش ما ترد

تجي لعندها الفا

الفا : بنتي حبيبي بدي احكي معك بشغلة

جانكي : تفضلي ماما

الفا : البنت بدها امها و تبكي شو نعمل

جانكي : استني ناكول ما فينا نعمل اشي

الفا : طيب شو صار معهم بالمحكمة

جانكي : ما بعرف بافيا ما بترد علي

ويرن تلفونها و تركض لعنده و تاخذه

جانكي : الو. ..... انتي ليش ما بتردي علي

بافيا : انا اسفة كنت مع رودرا وصلني ع البيت وراح

جانكي : وين راح

بافيا : ما بعرف

جانكي : احكيلي بسرعة شو صار بالمحكمة بسرعة يلا

بافيا : اوكيه هلا بحكيلك

جانكي : يلا

بافيا تخبر كل شي لجانكي

جانكي تضحك و مبسوطة

بافيا : ليش مبسوطة

جانكي : هيك ناكول راح يقترب مني اكتر

بافيا : كيف يعني

جانكي : راح تعرفي بس مو هلا بعدين وتسكر الخط

بافيا : شو عم تخطط هالمرة ، اكيد ما راح تتخلى عن ناكول

الفا : شو صار مع ناكول

جانكي : هلا بخبرك ماما ، وتخبرها الفا و تنصدم و تطلع من الغرفة

جانكي مبسوطة و تخطط تكون مع ناكول و تسنده بعد ما خسر كل شي، ناكول يروح مع امه يوصلها ع قصر اوبيروي و

يكون هنالك شرطة و ينصدموا وينزلوا من السيارة

ناكول : شو عم يصير هون

المحقق : تفضل هذا قرار من المحكمة هذا القصر صار ملكية للدولة

ناكول : شو عم تحكي

المحقق : انتو كنتو بالمحكمة و كل شي صار قدام عينكم

بينكي تنهار : احنا اخسرنا كل شي بنناه ، يا قدير ليش يصير معنا هيك

ناكول : كله بسبب هد*ك البنت

الصحافة تصور ناكول و بينكي وهم مغادرين القصر ، ناكول معصب و يركبوا السيارة

بينكي : هلا وين نروح

ناكول : لا تخافي امي كل شي راح يكون احسن من اول راح نروح عند جانكي ، وتصورهم الصحافة و هم بسيارة

الصحافة : احنا انصدمنا ما كنا متوقعين عائلة كبيرة متل عائلة اوبيروي عندها #ذكريات_من _الماضي سيئة لهدرجة ليخسروا كل شي بينهم و أعمالهم و حتى صاروا ولا اشي ، وين كانوا و شو صاروا ، بس احنا نعرف انه ناكول راح يصدمنا و يفاجأنا متل كل مرة ويستعيد إمبراطورية اوبيروي

دوشيانت مع رودرا ببيتهم

رودرا : أبي معقول عمي يعمل هيك

دوشيانت : ايه بيعملها

رودرا : يعني أدلة حقيقة مو مزيفة

دوشيانت : ايه ابني كل شي حقيقي

رودرا : ناكول مفكر أدلة مزيفة حتى انه خطف بنت المحامية

دوشيانت : شو تحكي خطفها

رودرا : ايه بابا مبارح ، حتى ما تقدم أدلة ضد عيلته

دوشيانت : بس طلعت ع** تخطيطه

رودرا : ايه صح ما انسحبت ولا تراجعت عن تقديم الأدلة

دوشيانت : احكي مع ناكول و اعطيني التلفون رودرا : اوكيه بابا ، يرن ع ناكول و ناكول ما بيرد عم يسوق

رودرا : مش راضي يرد

دوشيانت : يمكن انهار بعد ما انحجز ع قصرهم

رودرا : يعني راح يحجزوا ع بيتنا

دوشيانت : لا يا ابني

رودرا : ليش

دوشيانت : لأنه كانت بهذاك الوقت شراكة مع شاكتي و فيكرام تشاندا و انا انضميت بعد بس كانت شركاتنا منفصلة

رودرا : هيك يعني

دوشيانت : ابهرتني سوربي

رودرا : وانا متلك ، راح اتعرف عليها

دوشيانت : بلكي تستفيد منها

ناكول بيوصل ع بيت جانكي و يدخلوا ع البيت

ناكول : مدام الفا ممكن تسمحي لماما بتقعد عندك كم يوم

الفا : اكيد ابني لا تخاف عليها

بتجي جانكي و تحضن بينكي و تواسيها ويبكوا مع بعض

الفا : ناكول بدي احكي معك

ناكول : تفضلي

الفا : البنت يلي عنا مش راضية تآكل من الصبح و تبكي بغرفتها و بدها إمها

ناكول : اذا امها مش مسئلة عنها شو بدي اعمل فيها

الفا : شو حكيت

ناكول : اليوم المسا ابعتها عند رودرا ، ويرن تلفونه و يكون رودرا ويحكي معه

ناكول : نعم رودرا

دوشيانت : انا عمك

ناكول : تفضل عمي

دوشيانت : قبل يصير المسا بترجع بنت سوربي

ناكول : بس عمي. .

دوشيانت يقاطعه : متل ما حكيت ويسكر الخط

ناكول : كل شي صار ويصير بحياتي بسببك سوربي انا راح ارحمك من السعادة بس انتظري وشاهدي شو بصير معك ....