Nasa parking lot na kami ngayon ni Enzo, dumaan muna kami sa coffee shop bago kami tumungo dito. Mga sampung minuto na din kaming nandito sa labas ng kaniyang sasakyan habang pinapakiramdaman lang ang paligid namin dahil sa tahimik at malamig.
“Nakaka-relax yung ganito,” sambit niya sa akin. Napaitingin naman ako sa kaniya na kasalukuyan na nakatingin sa kalangitan at pinagmamasdan ang mga tala.
“Alam kong mami-miss mo ang mga bagay na ito,” sambit ko sa kaniya.
“Syempre, dati hindi ko naman na-e-experience ito eh, ngayon na-experience ko na.” Napahinga lang ako nang malalim at napainom sa Frappuccino.
“After exam punta tayo Tagaytay,” sambit niya sa akin. Napatingin ako sa kaniya na nagtataka dahil sa mga tinuran niya.
“Bakit naman doon?” tanong ko sa kaniya.
“Hindi ko din ala
